Swisscom heq dorë nga rritja e çmimeve për klientët privatë

Në një letër që u dërgoi 1.86 milionë klientëve të saj në prill, operatori më i madh i telekomunikacionit në vend, Swisscom, tha se tarifat e tij mund të rriteshin “në çdo kohë”, përcjell albinfo.ch.

“Ne rezervojmë të drejtën të rishikojmë çmimet tona në çdo kohë për t’u përshtatur me inflacionin”, shkroi kompania.

Të dielën, megjithatë, drejtori i Swisscom, Christoph Aeschlimann, tha se kompania ndryshoi mendje dhe nuk do të rriste çmimet për klientët privatë deri në fund të vitit 2024. “Ne do të analizojmë situatën gjatë vitit të ardhshëm dhe do të përcaktojmë se çfarë do të ndodhë pas vitit 2024”, ai tha

Ngrirja e çmimeve do të zbatohet për abonimet aktuale Blue Mobile, Internet, TV dhe rrjetet fikse, të gjitha markat dytësore dhe të palëve të treta dhe klientët me produkte të shërbimit universal, shtoi Aeschlimann.

Telekomunikacionet e tjera të vendit, Sunrise dhe Salt, të cilat gjithashtu njoftuan rritje të çmimeve, nuk e kanë kthyer ende vendimin e tyre.