Von Cramon: E paligjshme hyrja e forcave serbe në territorin e Kosovës dhe lidhja e policëve si kriminelë lufte

Von Cramon, “ndërkombëtarja” e parë që e pranon se tre policët u kapën brenda Kosovës

Raportuesja e Bashkimit Evropian për Kosovën, Viola von Cramon, është e para nga bashkësia ndërkombëtare që ka pranuar se tre zyrtarët policorë janë kapur nga forcat serbe brenda territorit të Kosovës. BE dhe KFOR e kanë kualifikuar si “arrestim” kidnapimin e policëve dhe kanë thënë se po presin nga NATO mbledhjen e informacioneve, përcjell albinfo.ch.

SHBA ka kërkuar lirimin e menjëhershëm dhe pa kushte të policëve. Në një reagim në Twitter që ka bërë mbrëmë, Cramon ka thënë se është e paligjshme hyrja e forcave speciale të Serbisë në territorin e Kosovës dhe “lidhja e policëve si kriminelë lufte”.

Zyrtarja evropiane ka thënë se në bazë të informacionit të qasshëm, zyrtarët policorë të Kosovës nuk kanë lëvizur makinat e tyre, por kanë ecur në këmbë në zonën kufitare me Serbinë.

“Edhe nëse ky operacion i nënshtrohet ligjërisht një njoftimi, është e paligjshme që të hysh në territorin e Kosovës me forcat speciale të Serbisë dhe të lidhësh zyrtarët policorë si kriminelë lufte, dhe t’i dërgosh në Beograd”, ka shkruar ajo.

 

https://twitter.com/ViolavonCramon/status/1669369251067490309?ref_src=twsrc%5Etfw%7Ctwcamp%5Etweetembed%7Ctwterm%5E1669369253328240640%7Ctwgr%5E4cec6ab2ae8c692c262c9ab0fac2858e02106a35%7Ctwcon%5Es2_&ref_url=https%3A%2F%2Fgazetablic.com%2Fvon-cramon-e-paligjshmiiie-hyrja-e-forcave-serbe-ne-territorin-e-kosoves-dhe-lidhja-e-policeve-si-kriminele-lufte%2F

 

---