Lajme
Kancelari gjerman i konsideron të domosdoshme kontrollet kufitare me Austrinë

Kancelari gjerman, Olaf Scholz, po qëndron sot për vizitë në Salzburg për të diskutuar me homologun e tij austriak, Karl Nehammer, presionet e reja migratore që rëndojnë mbi Bashkimin Evropian, shkruan DW, përcjell albinfo.ch.
Dy kancelarët diskutuan kontrollet kufitare brenda zonës Shengen pa viza, si dhe mënyrat për të kufizuar imigracionin e paligjshëm.
Gjatë takimit të tij me Nehammer, Scholz bëri thirrje për të treguar mirëkuptim për kontrollet kufitare në kufirin ndërmjet Austrisë dhe Gjermanisë.
“Tani për tani, duke pasur parasysh shifrat që dimë, kjo është një masë shumë e nevojshme”, tha Scholz.
Gjermania kohët e fundit zgjati kontrollet për gjashtë muaj të tjerë në maj, kontrolle të cilat kanë qenë në fuqi që nga viti 2015, teksa Vjena ka shprehur pakënaqësi për këtë veprim, por Austria gjithashtu kontrollon kufijtë e saj me fqinjët e saj jugorë dhe lindorë – një lëvizje që Scholz e theksoi në konferencën e shtypit.
Të dy kancelarët këmbëngulën në nevojën që Bashkimi Evropian të gjejë një zgjidhje globale për t’u marrë me numrin në rritje të emigrantëve, ndërsa qeveria austriake po bllokon zgjerimin e zonës Shengen me Bullgarinë dhe Rumaninë, anëtare të Bashkimit Evropian, duke përmendur emigracionin e parregullt.
“Gjermania po kryen ende kontrolle në kufirin me Austrinë, gjë që tregon se sistemi Shengen nuk po funksionon”, u citua Nehammer nga agjencia austriake e lajmeve APA përpara bisedimeve të tij me kancelarin Scholz.
Gjermania ka kontrolle kufitare me Austrinë që nga viti 2015, kur dhjetëra-mijëra njerëz u nisën për në Evropën Perëndimore përmes Ballkanit.
Vjena është kritikuar gjithashtu për vendosjen e kontrolleve të palëvizshme në kufirin e saj me Hungarinë, pjesërisht në përgjigje të vendimit të Budapestit për të liruar nga burgu mijëra kontrabandistë të dënuar.
E-Diaspora
-
Konsullata e Kosovës në Shtutgart: Nuk ka informacione për viktima nga Kosova Pas aksidentit hekurudhor të ndodhur pranë qytetit Riedlingen në landin gjerman të Baden-Württemberg, ku një tren...
-
Veshalla e Tetovës mirëpret mërgimtarët në manifestimin tradicional “Votra jonë na bashkon”
-
Tragjedi në Ujman: Humb jetën mërgimtari 33 vjeçar pasi kërceu nga ura
-
Shqiptarët në Maqedoni të përjashtuar nga anketa zyrtare për diasporën
-
NZZ shkruan për ambasadorin e Kosovës në Bern, Mentor Latifin
Jeta në Zvicër
-
Miliona franga nga kamerat e shpejtësisë në Zvicër, siguri apo burim të ardhurash? Kamerat e shpejtësisë në Zvicër janë kthyer në burim të ardhurash miliona frangash për kantonet dhe...
-
Kamerat e shpejtësisë në Zvicër, nga kamuflimi me bar, te gjobat milionëshe
-
Zvicra nën reshje intensive, paralajmërime për përmbytje dhe rrëshqitje dheu në disa rajone
-
Zvicër: Atraksionet që mbartin më shumë sasi rreziku
-
Sondazhi: Ja çfarë e bën Zvicrën të veçantë