Kosova
Ministri Çeku për projektin e ri të stadiumit në Gjilan: Do të kushtojë 15 milionë euro
Ministri i Kulturës, Rinisë dhe Sportit në Kosovë, Hajrulla Çeku, ka nënshkruar sot marrëveshje me kryetarin e Gjilanit, Alban Hyseni, për ndërtimin e stadiumit të qytetit, një projekt për të cilin ka premtime tash e disa vjet.
Lajmin e ka bërë të ditur vetë ministri Çeku, përmes një postimi në rrjetin social Facebook, përcjell albinfo.ch.
Pavarësisht premtimeve të shumëta për ndërtimin e tij, deri më sot stadiumi në Gjilan ka mbetur vetëm projekt tash e disa vjet.
Ndërkaq ministri Çeku ka thënë se kanë realizuar projektin përfundimtar për ndërtimin e stadiumit, që sipas tij, ka munguar deri tash.
“Planifikimi i duhur është thelbësor për suksesin e çdo projekti dhe këtë e kemi bërë me Stadiumin e Gjilanit dhe do të vazhdojmë ta bëjmë me secilin projekt infrastrukturor që e fillojmë. Kështu po sigurohemi se ajo çfarë ka ndodhur në qeverisjet e kaluara të mos përsëritet më. Projekti përfundimtar i Stadiumit të Gjilanit, i cili mungonte, tash është hartuar dhe i gatshëm për zbatim ndërsa buxheti i nevojshëm për financimin e zbatimit veçse është siguruar”, ka shkruar ai.
Sipas tij, ndërtimi i stadiumit do të kushtojë 15 milionë euro.
“Në marrëveshjen e sotme me kryetarin Alban Hyseni zotuam 15 milionë euro për ndërtimin e stadiumit. Procedurat e nevojshme për zbatimin e projektit do të fillojnë menjëherë dhe punimet në tërësi do të nisin sa më parë”, tha ai.
Ndër të tjera, ai ka paralajmëruar kallëzim penal për shkeljet që janë gjetur në të kaluarën për këtë stadium, teksa ka bërë të ditur se stadiumi do të shërbejë edhe për Lojërat Mesdhetare 2030, që do të organizohen në Kosovë.
“Me vendosmëri po e realizojmë planin investiv për Lojërat Mesdhetare 2030. Po krijojmë një të ardhme më të mirë për sportin!”, ka shkruar ai.
E-Diaspora
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada Tenori i njohur nga Kosova, Ramë Lahaj, do të jetë në Toronto në kuadër të aktiviteteve...
-
Regjistrimi i popullsisë: Diaspora mund të regjistrohet online deri më 31 gusht
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
Jeta në Zvicër
-
Rrëshqitja e shkëmbinjve në Brienz: A ekziston një kërcënim? Fshati malor Graubünden i Brienz ishte jashtëzakonisht me fat gjatë rrëshqitjes së dheut në verën e...
-
Gotthard, mbi 20 kilometra bllokime trafiku
-
Zvicër: Rastet e kollës te fëmijët, shumë të shpeshta
-
A do të largohet selia e FIFA-s nga Zvicra?
-
Shqetësime për planet zvicerane të transportit nëntokësor të mallrave