Gërvalla i reagon Borrellit, e quan të turpshëm qëndrimin e tij

Donika Gervalla, FB

Ministrja e Punëve të Jashtme të Kosovës, Donika Gërvalla, ka reaguar pas qëndrimit të përfaqësuesit për Politikë të Jashtme të BE-së, Josep Borrell lidhur me ngjarjet në veri të Kosovës.

Sipas saj, Borrelli nuk e tha asnjë fjalë në mbështetje të Policisë së Kosovës e as kundër terroristëve.

“Terroristët vrasin policinë – dhe ju thoni ‘të gjithë aktorët’? Asnjë fjalë mbështetje për policinë? As kundër terroristëve? A iu referuat edhe sulmeve terroriste në Spanjë si ‘armiqësore’?”, ka shkruar ajo në Twitter.

Ajo e quajti reagimin e Borrelit të turpshëm, derisa pyeti se si “mund ta tolerojnë më këtë cinizëm anëtarët e BE-së?”.