Shfaqje e suksesshme e teatrit nga Kosova në Gjermani

pixabay

Në Koln të Gjermanisë është pasqyruar një shfaqje nga artistët e teatrit të Kosovës, përcjell albinfo.ch.

Aty u shtjelluan tema të ndryshme, si: përjetimet e të burgosurit politikë në Shqipëri gjatë regjimit komunist dhe ata në Kosovë gjatë pushtimit serb?

Si ndodhi masakra në burgun e Dubravës në vitin 1999?

Këto janë temat me të cilat merret shfaqja “Ora e vdekjes” e artistëve shqiptarë, të cilët u prezantuan më 22.09.2023 para publikut në Rufffactory në Këln të Gjermanisë. Kjo shfaqje që është realizim i produksionit të pavarur teatror “Bokshi teatër”, në partneritet me “Artpolis”, ishte pjesë e Festivalit të Teatrit “Theaterfestival Neues Europa” që po mbahet në Këln.

Publiku në Këln kishte mbrëmë mundësi të shikonte një pjesë të errët nga historia e Kosovës dhe Shqipërisë. „Ora e vdekjes“ është e bazuar në histori të vërteta të të burgosurve politikë në Kosovë dhe Shqipëri.

Shfaqja e mbushur me emocione u mirëprit nga publiku në Këln, ku kishte edhe shumë shqiptarë që jetojnë në Gjermani.

Në rolin e Efta Sasit shkëlqeu aktorja e njohur Albulena Bokshi, por edhe kolegët e saj, Adrian Morina, Arben Derhemi dhe Kushtrim Sheremeti.

Regjinë e shfaqjes “Ora e vdekjes” e ka bërë regjisori i njohur kosovar, Ilir Bokshi, ndërsa autore të tekstit dramaturgjik janë Ulpiana Maloku dhe Agnesa Mehanolli.