Turistët nga Gjermania, Shqipëria dhe Zvicra prijnë në Kosovë

Rritet numri i turistëve në Kosovë

Referuar të dhënave të Agjencisë së Statistikave të Kosovës, thuhet se është rritur numri i vizitorëve që kanë vizituar Kosovën, përcjell albinfo.ch.

“Në gusht 2023, numri i vizitorëve (vendorë dhe të huaj) ishte 71 232, prej tyre 35,83%, ishin vendorë dhe 64,17% ishin të jashtëm. Krahasuar me muajin gusht të vitit 2022 (sa ishin 60 952 vizitorë) kishte rritje të numrit të përgjithshëm të vizitorëve për 16,7%”, njofton ASK-ja.

Nga ana tjetër, numri i netqëndrimeve ishte 166 377, prej tyre 44,05% nga vendorët dhe 55,95% nga të huajt. Numrin më të madh të vizitorëve te brendshëm e ka rajoni i Pejës, me 8 036 vizitorë dhe 35 149 netqëndrime.

“Sa u përket vizitorëve të huaj, krahasuar me periudhën paraprake (gusht 2022) ka rritje të vizitorëve për 6,37%. Në total 45 711 vizitorë të huaj, nga të cilët numri më i madh është nga: Gjermania, Shqipëria, Zvicra etj.”, thuhet në komunikatën e ASK-së.

---