Nesër Turqia merr komandën e KFOR-it në Kosovë

NATO @NATO, X

Turqia po përgatitet të marrë komandën KFOR-it, Misionit të NATO-s në Kosovë, raporton Anadolu.

Në mesin e 27 vendeve sa i përket kontributit me personel në këtë mision, Turqia renditet e dyta, teksa Italia, e cila mori përsipër misionin e 27-të të KFOR-it nga Hungaria më 10 tetor 2022, po përgatitet të dorëzojë detyrën pas përfundimit të periudhës së komandës.

Me anë të një ceremonie, Turqia më 10 tetor 2023 do të marrë përsipër komandën, përcjell albinfo.ch.

Zyrtarët e Ministrisë turke të Mbrojtjes Kombëtare e kanë cilësuar KFOR-in si një nga misionet më të rëndësishme në sigurimin e paqes dhe stabilitetit në Ballkan.

“Roli kritik që luan KFOR-i dhe ekzistenca e tij janë ende një domosdoshmëri për Kosovën”, thuhet ndër të tjera në deklaratë.