Gjenerali Hammerstein: Gjermania pritet të dërgojë edhe 200 ushtarë në Kosovë

NATO @NATO, X

Gjenerali i brigadës së Bundeswehr-it, Ralf Hammerstein, ka deklaruar se situata e sigurisë në Kosovë po përkeqësohet dukshëm dhe NATO do ta rrisë praninë e saj në pranverë, duke përfshirë edhe ndihmën e Bundeswehr-it. Sipas tij, Gjermania pritet të dërgojë edhe 200 ushtarë të tjerë në Kosovë, përcjell albinfo.ch.

Hammerstein për “Die Welt” ka thënë se normalizimi i raporteve midis Beogradit dhe Prishtinës nuk po përparon ashtu si të gjithë shpresonim.

“Bundeswehr aktualisht ka rreth 80 ushtarë në vend, të cilët së shpejti do të rriten me rreth 200, duke përfshirë stafin mbështetës. Pra, kjo është rreth 280. NATO duhet të sigurojë një mjedis të sigurt sipas Rezolutës së OKB-së dhe të ndihmojë në zhvillimin e një republike të qëndrueshme, demokratike, multietnike të Kosovës”, tha ai.