Njësia Speciale e KFOR-it po zhvillon stërvitje për të ruajtur gatishmërinë operacionale

Foto FB: NATO Kosovo Force - KFOR

Misioni i NATO-s në Kosovë, KFOR-i, ka njoftuar se Njësia e Specializuar Shumëkombëshe po zhvillon rregullisht stërvitje për të ruajtur gatishmërinë e lartë operacionale.

“Këto përpjekje janë pjesë e misionit të përditshëm të KFOR-it për të garantuar një mjedis të sigurt për të gjithë njerëzit që jetojnë në Kosovë”, thuhet në njoftimin e KFOR-it.

Tutje, KFOR-i ka shtuar se ai është reagues i tretë i sigurisë, pas Policisë së Kosovës dhe misionit të Bashkimit Evropian për Sundimin e Ligjit – EULEX, me të cilët u tha se punon në koordinim të ngushtë.

“KFOR-i vazhdon të zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të ofruar një mjedis të sigurt për të gjitha komunitetet që jetojnë në Kosovë dhe lirinë e lëvizjes, në çdo kohë dhe në këtë mënyrë KFOR-i është reaguesi i tretë i sigurisë, pas Policisë së Kosovës dhe misionit të BE-së për Sundim të Ligjit (EULEX), respektivisht, me të cilët punojmë në koordinim të ngushtë”, thuhet në njoftim, transmeton albinfo.ch.