Konsullata e Cyrihut ka arritur një tjetër sukses në shërbimin ndaj mërgimtarëve

Vigan Berisha: Në Konsullatën e Republikës së Kosovës në Cyrih, nuk ka më listë pritjeje dhe termine

Në cilësinë e Shefit të Misionit Konsullor të Republikës së Kosovës në Cyrih, Vigan Berisha ka njoftuar se pas një angazhimi të përkushtuar në këta 11 muaj, ka arritur një tjetër sukses të rëndësishëm për shërbimin ndaj mërgimtarve.

Nga data 1 nëntor 2024, në Konsullatën e Republikës së Kosovës në Cyrih, nuk ka më listë pritjeje dhe termine, shkruan albinfo.ch.

“Bashkëatdhetarët mund të vijnë drejtpërdrejtë, brenda orarit zyrtar të punës me palë, për të marrë shërbimet konsullore që u nevojiten, pa qenë nevoja për termin paraprak. Do të vazhdojmë përkushtimin tonë për t’ju ofruar lehtësi dhe shërbime sa më cilësore dhe të shpejta ndaj jush. Për raste të veçanta, nëse keni nevojë për një termin specifik, mbetet e mundur rezervimi sipas kërkesës. Për të shmangur pritjet në telefon, për çdo informacion apo pyetje shtesë, ju lutemi të na kontaktoni në [email protected]. Ekipi që udhëheqë, do t’ju përgjigjet sa më shpejt të jetë e mundur”, është shprehur Vigan Berisha. /Albinfo.ch

---