Kthehen kolonat në Merdare

Kolona të gjata janë regjistruar këtë vikend në pikëkalimin e Merdares që ndanë Kosovën dhe Serbinë. Shumë bashkatdhetarë kanë ardhur në Kosovë për festën e Pashkëve

Bashkatdhetarët kosovarë edhe gjatë festës së Pashkëve, janë ballafaquar me kolona të gjata gjatë kthimit për në vendet e tyre të punës. Si zakonisht kolonat janë regjistruar në pikëkalimin e Merdares që ndanë Kosovën me Serbinë. Sipas Policisë pritje ka vetëm gjatë hyrjes në Serbi.

Pritjet janë shkaktar nga autoritetet serbe të cilat kërkon regjistrimin e të gjithë bashkatdhetarëve që kanë dokumentet të Kosovës. Mbushjet e këtyre formularëve kanë krijuar kolona të gjata më shumë se një orë.

Nga ana e Kosovës, siç raporton Policia vendore gjithçka është duke ecur sipas planit dhe nuk ka pritje.