Nëse e humbni telefonin tuaj celular në Liqenin e Cyrihut – policia do ta gjejë atë për ju, kundrejt një pagese.
Kjo ndodhi të shtunën: një vajzë adoleshente e hodhi telefonin e saj në thellësi – ajo telefonoi policinë, e cila mbërriti me një varkë me drita dhe sirena.
Një oficer veshi një kostum uji, u zhyt nën valë dhe e nxori telefonin në sipërfaqe, transmeton albinfo.ch.
Kostoja e kësaj: 135.25 CHF.
Është një shërbim që ofron policia – dhe ata marrin rreth 2 telefona në ditë.
Vetëm dy javë pasi Shtetet e Bashkuara vendosën tarifa prej 39% për mallrat zvicerane, kompanitë tashmë po e ndiejnë ndikimin.
Gati 10% kanë pezulluar plotësisht eksportet në SHBA dhe të tjerat po shqyrtojnë uljen e prodhimit ose zhvendosjen në BE, transmeton albinfo.ch.
Sipas një ankete nga shoqata e industrisë Swissmechanic, katër nga dhjetë firma të vogla dhe të mesme në sektorët mekanikë, elektrikë dhe të përpunimit të metaleve po regjistrojnë humbje.
Presioni është intensifikuar këtë javë pasi Doganat e SHBA-së riklasifikuan më shumë se 400 komponentë, duke i rritur tarifat në 50%.
Zvicra ka një nga tarifat më të këqija të importit të SHBA-së në botë – dhe burime të brendshme në Uashington thonë se ishte qëndrimi i presidentes zvicerane, Karin Keller-Sutter, gjatë një telefonate 34-minutëshe që duhej fajësuar.
Sipas një hetimi nga gazeta Blick, Keller-Sutter e poshtëroi Trump duke korrigjuar disa nga shifrat e tij dhe duke i dhënë një kurs intensiv në ekonomi dhe politikë.
Personat e brendshëm thonë se ai e mori këtë shumë personalisht dhe u ankua te ndihmëset e tij se “ajo nuk më dëgjoi”.
Me sa duket, pasi telefonata mbaroi, ai i tha stafit të tij se nuk donte të fliste më kurrë me të, transmeton albinfo.ch.
Zyra e Keller-Sutter po refuzon të komentojë drejtpërdrejt në lidhje me telefonatën, por thotë se nuk ka prova për një mosmarrëveshje personale.
Kanë përfunduar punimet në njërën nga urat që ishin duke u ndërtuar mbi lumin Ibër.
Zëvendësministri në detyrë i Infrastrukturës në Kosovë, Hysen Durmishi, ka publikuar pamjet nga vendi i ngjarjes, ndërsa ka uruar të gjithë qytetarët për këtë urë.
“Urime Mitrovicë! Urime për të gjithë qytetarët e Kosovës! E gëzofshim urën e re”, ka shkruar Durmishi mbi videon e publikuar në Facebook.
Ndryshe, gurthemeli i dy urave mbi lumin Ibër është vendosur në fillim të muajit korrik, në prezencën e kryeministrit në detyrë, Albin Kurti.
Përfundimi i ndërtimit të urave ishte planifikuar të bëhej në shtator. Njëra është për këmbësorë dhe tjera për automjete. Për ndërtimin e tyre, Qeveria në detyrë ka ndarë rreth tre milionë euro.
Vendimi i Leon Avdullahut të përfaqësojë Kosovën para Zvicrës ka bërë bujë në dy vendet.
Ai vendosi për Kosovën para Zvicrës, ndërsa është i pari lojtar që kishte mundësinë e paraqitjes për helvetikët e që vendosi për “Dardanët”.
Në mars Avdullahu ishte kapiten i Zvicrës U21, transmeton albinfo.ch.
Në federatën zvicerane janë të dëshpëruar me vendimin e futbollistit të Hoffenheimit.
“Ne i duam në përfaqësuese vetëm ata lojtarë që identifikohen 100 për qind me vendin dhe kombin tonë”, ka thënë Pierluigi Tami, drejtor i ekipit nacional zviceran.
Futbollisti Leon Avdullahu ka zgjedhur të luajë për Kosovën. Ai më herët kishte luajtur për grupmoshat e Zvicrës, shkruan albinfo.ch.
Ish-futbollisti i Baselit, tani i Hoffeinhamit, mund të debutojë pikërisht ndaj Zvicrës, më 5 shtator në Bazel.
Njoftimi është dhënë nga Kryetari i FFK-së, Agim Ademi.
“Pritjes i erdhi fundi, Leoni është i Kosovës.
Ndjej kënaqësi të ndaj me ju lajmin e madh se Leon Avdullahu, i udhëhequr nga zemra e tij, ka vendosur që të luaj për Kombëtaren e Kosovës. Leoni më njoftoi sonte për vendimin e madh, që pason takimin që kishim pak kohë më parë kur edhe i kishim diskutuar të gjitha gjërat.
Leoni me këtë vendim dëshmoi edhe një herë fuqishëm që Kosova mbetet zgjedhje zemre dhe se identiteti e prejardhja nuk mohohen.
Mirë se vjen Leon, le të nisim së bashku një rrugë të gjatë e të suksesshme për ekipin kombëtar të Kosovës dhe për Ty”, shkruan Ademi.
Për të dytën natë radhazi, lagjja Prélaz e Lozanës është përfshirë nga trazira të forta. Ngjarjet shpërthyen pas vdekjes së një 17-vjeçari gjatë një ndjekjeje policore, duke nxitur reagime të menjëhershme e të ashpra në terren.
Mbrëmjen e së hënës, protestuesit ndezën zjarre në disa pika të qytetit. Për herë të parë që nga fillimi i trazirave, u shënuan përplasje të drejtpërdrejta mes protestuesve dhe forcave të rendit. Raportohet për 7 perosna të arrestuar.
Policia u kundërpërgjigj me përdorimin e gazit lotsjellës për të shpërndarë turmat.
Situata mbetet e tensionuar. Rrugët janë ende të bllokuara, sirenat dëgjohen pandërprerë, ndërsa qytetarët shprehin shqetësim për përshkallëzimin e dhunës dhe rrezikun që gjendja të dalë jashtë kontrollit.
Pamjet e realizuara sonte në vendin e ngjarjes dëshmojnë intensitetin e natës së dytë të trazirave në Prélaz.
Lexoni po ashtu:
Gazeta britanike Sunday Times ka publikuar një raport mbi kthimet e shqiptarëve nga Britania e Madhe drejt Shqipërisë, ku theksohet se shumë prej tyre zgjedhin të kthehen vullnetarisht duke përfituar nga një skemë e qeverisë britanike. Sipas kësaj skeme, qytetarët që kthehen marrin 1.200 stërlina.
Artikulli sjell rastin e Ardit Shehut, 32 vjeç nga Kukësi, i cili, pasi iu refuzua kërkesa për azil, u kthye në atdhe. Ai e përshkruan Britaninë si “të mbaruar”, duke theksuar vështirësitë e jetës së emigrantëve atje.
Sipas Sunday Times, marrëveshja mes kryeministrit britanik Rishi Sunak dhe homologut shqiptar Edi Rama në vitin 2022 ka sjellë një rënie të madhe të emigrimit të paligjshëm. Britania ka deportuar mbi 13.000 shqiptarë, trefish më shumë se në vitet 2010, ndërsa mbërritjet me varka të vogla kanë rënë me 95%.
Ministri i Brendshëm shqiptar, Ervin Hoxha, e ka cilësuar bashkëpunimin me Londrën si një “histori suksesi” dhe është shprehur se Shqipëria është mirënjohëse për këtë mbështetje.
Ndërkohë, ish-drejtuesi i një projekti britanik për parandalimin e emigrimit, Edval Zoto, ka thënë se marrëveshja nuk është përdorur për qëllime politike nga Tirana, por kryesisht për ruajtjen e marrëdhënieve të mira me Britaninë.
Një studim i ri tregon se Covid-19 mund të shkaktojë dëme të fshehura në zemrën e grave, që mund të zgjasin për vite me radhë, sipas news.com.au.
Hulumtimi, botuar në European Heart Journal, përfshiu rreth 2 400 të rritur nga 16 vende dhe tregoi se virusi mund të plakë para kohe enët e gjakut tek gratë, duke rritur rrezikun për atak në zemër dhe goditje në tru.
Ndryshimet më të dukshme u panë tek gratë që kishin pasur sëmundje më të rëndë, por efekti u vërejt edhe tek ato me simptoma të lehta. Ngurtësimi i arterieve lidhet me rritjen e sëmundjeve kardiovaskulare, dhe eksperti Rosa Maria Bruno theksoi rëndësinë e identifikimit të grave në rrezik për të parandaluar komplikime të mëvonshme.
Nga ana pozitive, vaksinat duket se ofrojnë mbrojtje, pasi njerëzit e vaksinuar treguan më pak ngurtësim arterial. Kardiologët rekomandojnë kontroll të rregullt, stil jetese të shëndetshëm dhe menaxhim të presionit të gjakut dhe kolesterolit për të reduktuar rrezikun.
Ky studim është një nga hetimet më të mëdha ndërkombëtare mbi ndikimin afatgjatë vaskular të Covid-19 dhe forcon idenë se virusi nuk prek vetëm frymëmarrjen, por edhe sistemin vaskular.
Presidentja e Kosovës, Vjosa Osmani, zhvilloi një takim me presidentin austriak Alexander Van der Bellen dhe Zonjën e Parë, Doris Schmidauer, në Alpbach.
Në një postim në Facebook, Osmani njoftoi se gjatë takimit pati biseda miqësore mbi thellimin e marrëdhënieve ndërmjet Kosovës dhe Austrisë, të cilën e cilësoi si një nga aleatët më të rëndësishëm të vendit tonë.
Një sondazh i realizuar nga YouGov me 2.175 pjesëmarrës tregon se 34% e gjermanëve kanë frikë se përparimet në inteligjencën artificiale mund t’i bëjnë ata të humbasin vendin e punës, ndërsa 62% nuk ndihen të kërcënuar.
Sipas rezultateve, frika është më e madhe te punonjësit në qytete dhe ata me nivel më të ulët arsimimi. Dallime të rëndësishme midis mbështetësve të partive të ndryshme nuk u gjetën.
Një tjetër sondazh nga Instituti Ifo tregon se rreth 27% e kompanive gjermane presin humbje të vendeve të punës për pesë vitet e ardhshme për shkak të IA-së, ndërsa vetëm 5% presin rritje.
Që nga lansimi i ChatGPT nga OpenAI në nëntor 2022, teknologjia e inteligjencës artificiale ka përparuar shumë, duke përfshirë përpunimin e tekstit, imazheve, audios dhe videos.
Gjatë gjashtëmujorit të parë të vitit 2025, Kosova ka regjistruar një rënie të ndjeshme të kërkesave për mbrojtje ndërkombëtare, duke shënuar vetëm 54 aplikime, krahasuar me 118 në të njëjtën periudhë të vitit 2024.
Sipas Ministrisë së Punëve të Brendshme, shumica e azilkërkuesve vijnë nga Siria, Jordania, Palestina dhe Maroku. Aktualisht, në Kosovë ndodhen 42 persona që kanë aplikuar për mbrojtje ndërkombëtare, ndërsa 6 janë kthyer në vendet e origjinës gjatë kësaj periudhe.
Qendra për Azil në Kosovë është institucioni përgjegjës për pranimin, regjistrimin dhe akomodimin e aplikuesve. Përfitimet për azilkërkuesit përfshijnë shërbime shëndetësore, ndihmë juridike dhe administrative, asistencë sociale dhe psikologjike, ushqim, veshmbathje, pako higjienike dhe ndihma të tjera fizike.
Bufetë mëngjesi, dikur simbol luksi hotelesh, po shqyrtohen nga ekspertët për shkak të mbeturinave të shumta, konsumit të tepërt dhe ndikimit mjedisor. Petulla, vezë të fërguara, fruta, mishra dhe ëmbëlsira, bollëku shpesh çon në tepri.
Sipas Raportit të Indeksit të Mbeturinave Ushqimore të UNEP-it për vitin 2024, 1.05 miliardë ton ushqim u shpërdorua globalisht, dhe 28% e këtij shpenzimi vjen nga restorantet. Bufetë mëngjesi gjenerojnë dyfishin e mbeturinave krahasuar me vaktet e porositura, rreth 300 gramë ushqim i hedhur për person.
Jocelyn Doyle nga Shoqata e Restoranteve të Qëndrueshme shpjegon: “Ushqimi i hedhur shpërdoron toka, ujë, energji dhe punë, dhe në deponi prodhon gazra serrë që dëmtojnë planetin. Zvogëlimi i mbeturinave është një hap i madh – dhe mëngjesi është vendi ideal për ta nisur.”
Hotelet po ndërmarrin ndryshime: Scandic Hotels redukton tortat dhe pastat, Ibis Hotels përdor pjata më të vogla, ndërsa Hilton Frankfurt ofron porcione të parapërgatitura. Në Novotel Bangkok Sukhumvit, mysafirët nxisen të marrin vetëm sa mund të hanë.
Sipas Dr. Kelly L. Hoss, bufetë nxisin ngrënie të tepërt për shkak të “efektit të larmisë”: më shumë zgjedhje shpesh do të thotë më shumë konsum. Pjata më të vogla, rimbushje të shpeshta dhe oferta e porcioneve të vogla mund të reduktojnë mbeturinat pa prishur kënaqësinë e mysafirëve.
Ndryshimet e thjeshta, si vendosja e sallatave në fillim dhe pjatave më të rënda më vonë, ose stacionet “përgatit sipas porosisë”, ndihmojnë mysafirët të konsumojnë më pak, por të mbeten të kënaqur.
Rezultati? Më pak rrëmujë, më pak mbeturina dhe përvoja më cilësore për vizitorët e hotelit.
Qyteti i Cyrihut ka vendosur të zgjasë edhe për dy vite projektin pilot të testimit falas për sëmundje seksualisht të transmetueshme (SST). Deri tani janë testuar rreth 6,600 persona, shumica të rinj nën moshën 25 vjeç. Rezultatet tregojnë se më së shpeshti janë zbuluar klamidia, gonorrea dhe sifilisi, ndërsa katër persona kanë rezultuar pozitivë për HIV, transmeton albinfo.ch.
Projekti ka kushtuar mbi 2.6 milionë franga, por autoritetet thonë se parandalimi i vetëm disa rasteve me HIV e justifikon këtë shpenzim, pasi kostoja shëndetësore gjatë jetës për një pacient mund të arrijë deri në 1 milion franga.
Nga viti 2027, testet do të bëhen pjesë e ofertës së përhershme, kufiri i moshës do të rritet në 30 vjeç, por ato nuk do të jenë më krejtësisht falas. Qytetarët do të paguajnë deri në 30 franga për test, ndërkohë që kostoja reale pa mbështetjen e qytetit shkon në rreth 200 franga.
Autoritetet theksojnë se kjo tarifë simbolike synon të nxisë përgjegjësinë individuale, ndërsa nuk pritet të ulë ndjeshëm kërkesën për testim.
Një Tesla Model S qëndroi e parkuar për gjashtë muaj pa u përdorur ose karikuar. Kanali në YouTube, Autoalex v2, tregoi se çfarë ndodh kur përpiqesh të ndizësh një automjet të tillë pas një periudhe të gjatë.
Si çdo makinë tjetër, edhe makina elektrike ka dy bateri: një bateri kryesore me tension të lartë për furnizimin e makinës dhe një bateri të vogël 12 volt për sistemin elektrik. Kur makina qëndron pa u karikuar për një kohë të gjatë, bateria 12 volt shkarkohet dhe bëhet e pamundur të ndizet makina për të karikuar baterinë kryesore.
Tesla ka një mënyrë emergjente për të hapur kapakun e motorit me kabllo mekanike, por në këtë rast kabllot ishin kaq të ndryshkura sa u thyen. Shërbimi ndaj klientit i Teslës nuk mund të ndihmonte, dhe kapaku u hap me një kaçavidë. Bateria 12 volt u zëvendësua.
Megjithatë, problemet nuk përfunduan aty. Pas gjashtë muajsh, lagështia shkaktoi rritjen e mykut brenda makinës, ekranet nuk funksiononin dhe freni elektrik i parkimit ishte i bllokuar. Për ta karikuar makinën, u desh ta çonin mbi rrota speciale deri te stacioni i karikimit. Pas karikimit, freni mund të lirohej, por ekranet u rikthyen në funksionim vetëm pas një jave.
Kur makina u ndez, shfaqën dy mesazhe gabimi: një problem me sistemin e monitorimit të presionit të gomave dhe nevoja për të zëvendësuar sigurimin e baterisë. Pas disa ditësh përdorimi, makina ishte gati për të lëvizur normalisht.
Interesi i të rinjve nga Maqedonia e Veriut për të studiuar në Slloveni vazhdon të rritet. Sipas të dhënave nga Denar, mbi 3,000 studentë kanë filluar studimet atje gjatë dy viteve të fundit.
Përparësitë kryesore që tërheqin studentët maqedonas janë kushtet e mira të studimit, programet cilësore, stafi akademik dhe diploma që njihet në vendet e Evropës Perëndimore. Disa fakultete madje ofrojnë studime falas për qytetarët maqedonas, duke e bërë vendimin për të studiuar jashtë më të lehtë, raporton alsat përcjell albinfo.ch.
Ekspertët theksojnë se studimi jashtë vendit sjell përfitime, për sa kohë studentët kthehen dhe përdorin njohuritë e fituara në Maqedoni. Megjithatë, shteti nuk disponon statistika të sakta mbi numrin e studentëve që përfundimisht vendosin të mos kthehen. Vetëm gjatë 15 viteve të fundit, shteti ka ofruar bursa për rreth 400 studentë për të studiuar në universitetet më të njohura në botë.
Autoritetet po punojnë për një Ligj të ri për Arsimin e Lartë, që synon t’u japë më shumë të drejta dhe mundësi profesorëve dhe studentëve, përfshirë edhe mundësinë e punësimit të garantuar për studentët më të mirë. Po ashtu, po përgatitet Ligji për Standardet e Studentëve, që do të përmirësojë mënyrën e dhënies së bursave, financimin e konvikteve dhe mundësitë për të rinjtë që vazhdojnë arsimin akademik.
Qeveria synon të stimulojë shkencën dhe të ofrojë qasje falas në baza të dhënash shkencore për të rinjtë dhe studiuesit me përvojë. Kryeministri ka theksuar se universitetet maqedonase kanë potencialin për t’u rritur në renditjet ndërkombëtare, ndërkohë që buxheti për shkencën është dyfishuar krahasuar me vitin e kaluar.
Qershori dhe korriku i vitit 2025 shënuan muajt më të nxehtë në historinë e Evropës Perëndimore. Temperaturat në qytete si Milano, Barcelona, Parisi dhe Londra kapën mbi 40°C, duke shkaktuar probleme serioze shëndetësore, sidomos tek të moshuarit. Sipas studimeve, në kryeqytetet evropiane u regjistruan rreth 2,300 vdekje, prej të cilave 1,500 lidhen direkt me ndryshimet klimatike.
Nxehtësia – një kërcënim i padukshëm
Grupet më të rrezikuara janë të moshuarit, personat me sëmundje kronike dhe ata pa qasje në ajër të kondicionuar. Ndryshe nga fatkeqësitë si përmbytjet apo zjarret, valët e nxehtësisë nuk lënë shenja të dukshme, por shkaktojnë dëme të mëdha.
Përmbytjet dhe katastrofat natyrore
Viti 2024 solli përmbytjet më të mëdha në një dekadë. Në Spanjë, stuhi katastrofike shkaktoi 224 viktima dhe dëme mbi 18 miliardë euro. Gjermania, Franca dhe Belgjika u përballën me shkatërrime të mëdha infrastrukturore dhe mijëra të pastrehë. Këto ngjarje janë rezultat i modeleve të papritura të reshjeve dhe urbanizimit të paqëndrueshëm.
Thatësirat dhe ushqimi
Evropa Jugore, përfshirë Greqinë, Italinë dhe Ballkanin, përjetoi thatësira të rënda, duke ulur rendimentin e kulturave si gruri, ullinjtë dhe domatet. Kjo ndikoi në ekonominë lokale dhe rriti çmimet e ushqimeve, duke rrezikuar biodiversitetin dhe shëndetin e ekosistemeve.
Shëndeti dhe infrastruktura
Ndryshimi i klimës rrit rastet e sëmundjeve kardiovaskulare, alergjive dhe problemeve të frymëmarrjes. Spitalet ishin të mbingarkuara gjatë verës, ndërsa infrastruktura, përfshirë rrugët, hekurudhat dhe aeroportet, pësoi dëme serioze.
Sfidat energjetike
Nevoja për ftohje rrit kërkesën për energji, duke çuar në ndërprerje dhe rritje kostosh. Po ashtu, nivelet e ulëta të ujit u dobësuan hidrocentralet. Kalimi te burimet e rinovueshme është thelbësor për qëndrueshmërinë energjetike.
Çfarë duhet bërë?
Evropa ka nevojë për veprim urgjent:
Investim në infrastrukturë të gjelbër (parqe, çati të gjelbra, pemë)
Përmirësim të sistemeve të kullimit dhe mbrojtje nga përmbytjet
Ndërtim dhe transport me efikasitet energjetik
Mbështetje për fermerët me kultura rezistente ndaj klimës
Edukim dhe ndërgjegjësim qytetar
Ndryshimi i klimës nuk është vetëm çështje mjedisore, por një sfidë për mbijetesën dhe drejtësinë sociale. Çdo qytetar dhe çdo vend ka një rol të rëndësishëm për të luajtur.
Grupi Lufthansa ka planifikuar një ristrukturim të gjerë të strukturës së tij korporative. Sipas një raporti mediatik, nga fillimi i vitit 2026 selia qendrore në Frankfurt do të marrë më shumë përgjegjësi, ndërsa linjat ajrore të veçanta, si SWISS, do të dorëzojnë një pjesë të kompetencave të tyre.
Sipas gazetës gjermane Handelsblatt, në të ardhmen, vendimet kryesore për financat, burimet njerëzore, teknologjinë dhe qendrat e mëdha do të merren nga “Bordet e Funksioneve të Grupit” të centralizuara. Ndërkohë, markat individuale do të mbajnë kryesisht përgjegjësinë për produktet në bord, si p.sh. shërbimi i ushqimit.
Fushat si planifikimi i rrjetit, shitjet dhe programet e udhëtarëve të shpeshtë do të menaxhohen nga selia qendrore e grupit. Qëllimi është rritja e kënaqësisë së pasagjerëve, përmirësimi i fitueshmërisë dhe rritja e efikasitetit në bashkëpunim.
Pesha e veçantë e SWISS
Ky riorganizim pritet të ketë rëndësi të veçantë për SWISS, e cila konsiderohet si një komponent qendror i Grupit Lufthansa dhe kontribuon ndjeshëm në fitimet e tij.
Në një deklaratë për agjencinë AWP, SWISS theksoi se puna për strukturën e re është ende në proces dhe se mbetet thelbësore që kompania të “vazhdojë të jetë një linjë ajrore e fortë” dhe të marrë vendime mbi ofertën e saj. SWISS konfirmoi se do të përfaqësohet në të gjitha komitetet relevante dhe do të luajë një rol aktiv.
Një vendim përfundimtar mbi shpërndarjen e ardhshme të kompetencave pritet në shtator. Atëherë do të përcaktohet gjithashtu se çfarë pasojash do të ketë riorganizimi në nivelin menaxherial nën Bordin Ekzekutiv të Grupit, transmeton albinfo.ch.
SWISS theksoi gjithashtu përfitimet e bashkëpunimit me Grupin Lufthansa, për shembull në planifikimin e rrjetit apo zhvillimin e kabinës së re për fluturime të gjata. Falë këtyre sinergjive, kompania mund të investojë rreth 1 miliard franga zvicerane çdo vit një volum që do të ishte i pamundur në mënyrë të pavarur.
“SWISS ka nevojë për Grupin Lufthansa dhe Grupi Lufthansa ka nevojë për SWISS,” deklaroi një zëdhënës i kompanisë.
Përveç SWISS, Grupi Lufthansa përfshin edhe linjat ajrore Lufthansa, Austrian, Brussels Airlines, Discover, ITA Airways, CityLine, City Airlines, Air Dolomiti, Eurowings dhe Edelweiss Air.
Futbollisti shqiptar Albian Hajdari ka nënshkruar me klubin gjerman TSG 1899 Hoffenheim, duke u larguar nga FC Lugano pas tre sezonesh të suksesshme në Zvicër.
Hajdari do të bashkohet me një skuadër ku tashmë luajnë edhe dy futbollistë të tjerë shqiptarë, Fisnik Asllani dhe Leon Avdullahu, duke u bërë pjesë e një grupi të rinjsh me perspektivë të madhe në Bundesligë.
Ky transferim shënon një hap të rëndësishëm në karrierën e Hajdarit, i cili ka treguar potencial të jashtëzakonshëm gjatë qëndrimit të tij në Lugano.
Në Mal të Zi po rritet praktika e “turizmit të surprizave”, ku turistët rezervojnë një akomodim, por përfundojnë në një vend tjetër. Milloshi nga Podgorica përshkruan përvojën e tij në Zhablak, ku rezervimi i shtëpisë së zgjedhur nuk ishte në dispozicion, dhe ai u ridrejtua tek një tjetër objekt dy kilometra larg, përcjell albinfo.ch.
Shumë turistë raportuan se pronarët kërkonin pagesa shtesë për akomodimin alternativ. Sipas një burimi të Radios Evropa e Lirë, rezervimet e dyfishta janë të zakonshme për shkak të kërkesës së madhe ose përfitimeve më të larta për pronarët.
Organizata Turistike e Zhablakut pranon se problemet shpesh shkaktohen nga rezervimet e tepërta dhe platforma të ndryshme që nuk përditësojnë kalendarët e disponueshmërisë. Autoritetet lokale dhe Ministria e Turizmit nuk kanë dhënë koment për rastet e raportuara.
Praktika nuk është e kufizuar vetëm në veri; edhe në bregdet si Ulqini, turistët ridrejtohen kur akomodimi është plot. Shoqata e Akomodimit Privat dhe ekspertë të turizmit paralajmërojnë se kjo sjell dëme, pasi akomodimet e paregjistruara nuk garantojnë mbrojtje dhe cilësi për mysafirët.
Edhe në hotele luksoze mund të ndodhë, sidomos gjatë sezoni të ngarkuar. Kur rezervimet bëhen përmes platformave zyrtare si Booking, turistët mund të kërkojnë kompensim, por kur bëhen direkt me pronarë të paregjistruar, nuk ka siguri ligjore.
Sipas statistikave, Malit të Zi i humbasin rreth 86 milionë euro çdo vit për shkak të akomodimeve të paregjistruara, duke dëmtuar si turistët, ashtu edhe reputacionin e destinacionit.
Gjatë katër fundjavave të muajit shtator, SBB planifikon të testojë potencialin e tregut me një lidhje direkte nga Zurich Oberland në Chur. Për këtë qëllim, shërbimi S15 do të zgjerohet deri në Graubünden dy herë në mëngjes dhe në mbrëmje. Normalisht, linja shkon vetëm deri në Rapperswil SG.
Gjatë fazës së testimit, trenat direkt do të nisen nga Uster drejt Chur në orën 6:54 dhe 7:54 të mëngjesit të shtunave dhe të dielave, dhe do të kthehen nga Chur në orën 16:23 dhe 17:23 çdo mbrëmje, njoftoi SBB të hënën. Qëllimi është të testohen mundësitë e një lidhjeje direkte me rajonin turistik të Graubünden.
Sipas SBB-së, rreth 200,000 persona që jetojnë në rajonin Zurich Oberland mund të përfitojnë nga ky shërbim. Trenat e testimit do të ndalojnë gjithashtu në Pfäffikon, Ziegelbrücke, Unterterzen, Sargans, Bad Ragaz dhe Landquart.
Një fazë tjetër testimi është planifikuar për sezonin e ardhshëm dimëror. Duke filluar me ndryshimin e orarit më 14 dhjetor, lidhje direkte do të ofrohen çdo fundjavë deri më 15 mars, përveç Ditës së Krishtlindjes dhe Vitit të Ri.
SBB planifikon gjithashtu të operojë trenat direkt gjatë verës së ardhshme. Testi i tretë i tregut është planifikuar nga fillimi i qershorit deri në fund të shtatorit.
Presidentja e Republikës së Kosovës, Vjosa Osmani, ka takuar një grup të rinjsh shqiptarë gjatë pjesëmarrjes së saj në Forumin Evropian Alpbach. Në këtë takim, Presidentja ka theksuar energjinë dhe përkushtimin e të rinjve, duke i cilësuar si “një gjeneratë që nuk njeh kufij”.
“Pasdite e bukur në zemër të Alpeve austriake, mes të rinjve të jashtëzakonshëm shqiptarë në Forumin Evropian Alpbach. Të gjithë kanë një të përbashkët: dashurinë për vendin dhe vendosmërinë për ta bërë Kosovën më të mirë,” ka shkruar presidentja Osmani, transmeton albinfo.ch.
Takimi u fokusua në dialogun ndërkombëtar, inovacionin dhe rolin e të rinjve në zhvillimin e Kosovës, duke i inkurajuar ata të kontribuojnë aktivisht në shoqëri.
Opinione Zvicra dhe Kosova drejt një epoke të re ekonomike
Opinione Viti i diasporës: Kush vendos për fatin e Kosovës?
Opinione Mos prekni të drejtën e votës së të huajve
Opinione Oh sa vështirë me qenë shqiptar
Opinione Kafeneja
Opinione Ikja nga shtëpia
Opinione Gjenerata që sakrifikoi gjithçka për atdhe
Opinione Kur donacionet dhe grantet zëvendësojnë buxhetin komunal
