Muzikë

Dua Lipa u tregon amerikanëve disa nga bestytnitë e shqiptarëve

Këngëtarja kosovare me famë botërore, Dua Lipa në një lidhje direkte për emisonin amerikanë, tregoi disa nga bestytnitë e shqiptarëve, transmeton albinfo.ch.

Ajo ishte e futar online, në një intervistë për Jimmy Kimmel për të diskutuar pak më shumë për gjashtë nominimet “Grammy”.

Në intervistë, këngëtarja edhe njëherë mohoi thashethemet për një shtazëni duke sqaruar se e gjitha ishte një keqkuptim.

Më pas Jimmy Kimmel e pyet se sa e emocionuar është që do të performojë në “Grammy” dhe nëse është ndopak supersticioze. Lipa pohon se deri në një masë edhe është kjo ndoshta edhe për faktin se është shqiptare. “Vjen me territorin”, thotë ajo.

nga ana tjeter, Kimmel kërkon që ajo të ndajë disa nga supersticionet që ajo dhe familja e saj kanë duke pranuar se edhe ai është pak.

“Në familjen time ka supersticione të tilla si: Mos hidh plehrat natën, mos laj rrobat ditën e premte, nëse të kruhet hunda do bëhesh me nerva dhe duhet të prekësh prapanicën tre herë që mos të ndodhë”, thotë ajo duke qeshur.

“Nëse të kruhet dora e majtë do marrësh para, nëse të kruhet dora e djathtë do humbasësh para”.

Më pas ajo shton, “Në mënyrë që të mos kapë syri i keq për ndonjë ditë të veçantë të jetës tënde, duhet të veshësh të brendshmet mbrapsht”.

Më poshtë mund të ndiqni të plotë intervistën e Dua Lipës në “Jimmy Kimmel Live”. /Albinfo.ch