Shqipëria

Dy turistë holandezë shpëtohen nga flota detare shqiptare

rreth orës 01:30 të ditës së sotme u bë i mundur shpëtimi i jetës së dy turistëve holandezë me velierën AIOLOS

Një mjet lundrues me dy turistë në bord ka pësuar një defekt në motor, por fatmirësisht janë shpëtuar nga autoritetet portuale të Durrësit.

Drejtoria e Përgjithshme Detare në Durrës bëri të ditur se në një operacion të përbashkët të Rojës Bregdetare, Policisë Kufitare Vlorë dhe Kapitenerisë së Portit Vlorë rreth orës 01:30 të ditës së sotme u bë i mundur shpëtimi i jetës së dy turistëve holandezë me velierën AIOLOS.

Teknikët e Drejtorisë së Përgjithshme të Porteve janë duke u dhënë ndihmë dhe specialistë të flotës detare do të bëjnë të mundur riparimin e motorit të mjetit lundrues.