Ekonomia greke do të tkurret deri në 10.5% nga ndikimi i COVID-19

EPA/SEBASTIEN NOGIER

Ekonomia e Greqisë do të pësojë humbje prej 7.5-10.5% këtë vit për shkak të ndikimit të COVID-19, sipas IOBE.

Greqia humbi një çerek të prodhimit të saj ekonomik gjatë krizës së saj 10-vjeçare, për shkak të borxhit. Ekonomia e saj u rrit me 1.9% vitin e kaluar dhe qeveria fillimisht synonte rritje 2.8% këtë vit.

Por, një bllokim që ajo imponoi për të penguar përhapjen e pandemisë së koronavirusit në fillim të këtij viti ka dëmtuar aktivitetin e biznesit, shkruan “Reuters”, përcjell albinfo.ch.

Shkalla e papunësisë, më e larta e zonës së euros, është parë duke u rritur në 19.3% – 20.5%, nga 17.4% vitin e kaluar, pasi koronavirusi detyroi shumë biznese të mbylleshin, tha IOBE.