Kinema

“Avengers: Endgame” mund të thyejë rekorde në të ardhura

Kapitulli i fundit i trilogjisë së filmave me superheronj dhe filmi i ri me ‘Mbretin Luan’ pritet ta bëjnë verën më të nxehtë me thyerjen e rekordeve për shitje biletash.

Në ditën e parë të transmetimit, “Avengers: Endgame” vetëm në Kinë siguroi 107 milionë dollarë, duke thyer çdo rekord në histori të këtij shteti, përcjell albinfo.ch.

Ekspertët e industrisë filmike parashikojnë se “Endgame” do të ketë fundjavë të ngjashme edhe në SHBA e Kanada. Pasi të zbehet interesimi për këtë film, studioja filmike “Disney” ka gati klasikun për ‘Mbretin Luan’ që, me një version të ri, parashikohet se do të ketë sukses nëpër arkat filmike.

Këta filma pritet ta ngjallin “Disneyn”, i cili ka pësuar rënie në shitje të biletave gjatë këtij viti. Studiot, gjatë verës, përdorin filmat me buxhet të majmë dhe sivjet Hollywoodi mund të përjetojë një prej sezoneve më luksoze.

Llogaritet se deri më tani janë publikuar 30 filma me buxhet të majmë dhe deri në fund të vitit kjo shifër mund të shkojë në mbi 50 filma.