Lifestyle

Filmi “Paddington 2”, premierë në Londër

Hugh Grant, Julie Walters dhe Ben Whishaw kaluan në qilimin e kuq për premierën botërore të filmit “Paddington 2”.

Skenari i filmit përqendrohet në ariun Paddington, i cili mundohet t’ia blejë një dhuratë të përsosur një të afërme të tij për ditëlindje.

Por, kur ai e kupton se dhurata e blerë në fakt është e vjedhur, ai e gjen veten në telashe. Në vazhdimin e filmit aktori Hugh Grant luan personazhin e Phoenix Buchanan, i cili përshkruhet si një person egoist.

Aktorët pjesëmarrës u shprehën të lumtur për përvojën e tyre në këtë film. “Paddington 2” do të fillojë së shfaquri në kinematë e Britanisë së Madhe më 10 nëntor.