Lajme
Francë: Të pavaksinuarit po blejnë karta false për Covid në internet
![](https://www.albinfo.ch/wp-content/uploads/2021/03/410825358_highres.jpg)
Të pavaksinuarit në Francë po blejnë karta të rreme vaksinash në internet për të ikur nga kufizimet e vendit për Covid, të cilat shpesh promovohen në platformat kryesore të mediave sociale, sipas një hulumtimi, shkruan “TheGuardian”, përcjell albinfo.ch.
Shumë nga ata që bejnë falsifikimet, të cilat mund të përdoren në gjithë Bashkimin Evropian (BE), po ridrejtohen nga faqet e internetit, si Instagram dhe Facebook, në rrjetin social të koduar Telegram, ku mund të blihen në mënyrë diskrete, sipas një studimi të Institutit për Dialogun Strategjik (ISD).
Raporti ngriti gjithashtu shqetësime se algoritmet e mediave sociale po i drejtojnë automatikisht njerëzit e zhgënjyer me trajtimin e pandemisë nga qeveria franceze drejt hapësirave online të ekstremit të djathtë.
Koordinatorja e kërkimit të ISD, Zoé Fourel, e cila drejtoi studimin, tha se janë disa grupe në Facebook të dedikuara për shitjen e kartave të rreme Covid, të cilat kishin rreth 1000 anëtarë dhe kishte llogari në Instagram me rreth 17,000 ndjekës.
“Unë mendoj se, sa u përket platformave, çështja kryesore këtu është shkalla në të cilën kjo është e disponueshme dhe me platforma të tilla, si Facebook dhe Instagram. Natyrisht, për shkak se ata kanë një audiencë kaq të gjerë, po e mundësojnë këtë përmbajtje në një shkallë më të madhe”, tha ajo, përcjell tutje albinfo.ch.
E-Diaspora
-
Ndahet nga jeta psikiatri, Dr. med Sami Dalipi Ka vdekur sot në moshën 62 vjeçare, spitalin e Lucernit Dr. Sami Dalipi, mjek dhe doktor...
-
Komuniteti Musliman Shqiptar në Zvicër uron festën e Kurban-Bajramit
-
Si e sheh Zvicra Kosovën në 25 vjetorin e çlirimit
-
Vendimi i gjyqit: 17 vjet burgim për bashkëshortin e Shqiponja Isufit
-
Gjenevë: Sot prezantohet filmi shqiptar në Festivalin Fifog
Jeta në Zvicër
-
Gati 100 postierë dhe korrierë në vit sulmohen nga qentë, në Zvicër Çdo vit, rreth njëqind postierë dhe korrierë kafshohen nga një qen, që do të thotë rreth...
-
84 delegacione mbështesin deklaratën përfundimtare të samitit të Ukrainës
-
Eksperimenti i votimit elektronik në Zvicër: Sa është i sigurt?
-
Berna dhe rrethinat e saj, me ndërprerje të madhe të energjisë të dielën
-
Një burrë u dënua me 2600 franga, pasi ofendoi mësuesen