FSK-ja e mbyll me sukses misionin në Ishujt Falkland

Kontingjenti i Forcës së Sigurisë së Kosovës është kthyer nga Ishujt Falkland. Për këtë ka njoftuar ministri i Mbrojtjes, Armend Mehaj.

Ai ka thënë se misioni i FSK-së në Ishujt Falkland ka përfunduar me sukses, raporton Albinfo.ch.

“Kontingjenti i Forcës së Sigurisë së Kosovës ka përfunduar me sukses misionin bashkëzbarkues përkrah forcave britanike në Ishujt Falkland, që ka për qëllim ngritjen e kapaciteteve operacionale dhe ndërveprueshmërisë me forcat e shteteve partnere për të shërbyer në të ardhmen në misionet e paqes kudo që kërkohet”, ka njoftuar ministri Mehaj./Albinfo.ch