Lajme

Gjashtë milionë raste me COVID-19 në SHBA

E hënë, 31 Gusht 2020 - 20:45 albinfo.ch

(AP Photo/Luca Bruno)

Numri i përgjithshëm i të prekurve në SHBA ka shkuar në gjashtë milionë, ndërsa 183 mijë njerëz kanë ndërruar jetë deri më tani, bazuar në të dhënat e Universitetit John Hopkins.

Pas SHBA-së radhitet Brazili me gjithsej 3.8 milionë raste, ndërsa raportohet se rreth 123 mijë persona kanë ndërruar jetë deri më tani.

Vendi i tretë në botë më i goditur nga sëmundja e COVID-19 është India, me rreth 3.6 milionë të prekur, pasuar me Rusinë, e cila regjistroi afër një milion të infektuar.

Që nga shpërthimi i epidemisë raportohet se më shumë se 25 milionë njerëz janë prekur nga virusi vdekjeprurës, ndërsa u regjistruan 847 mijë të vdekur.