Lajme
Gjermani: Papunësia bie në tetor
Papunësia gjermane shënoi rënie në tetor, ndërsa vendi u tërhoq nga tronditja fillestare e pandemisë, treguan të dhënat zyrtare të enjten, por një rund i ri mbylljesh kërcënon të ndalojë vrullin.
Shkalla e papunësisë e rregulluar sezonalisht ra në 6.2 për qind këtë muaj, nga 6.3 për qind në shtator, sipas agjensisë federale të punës BA, e cila e quajti atë një “përmirësim të dukshëm”.
“Papunësia dhe nënpunësia ranë ndjeshëm … Megjithatë, tregu i punës po tregon akoma shenja të qarta të valës së parë të pandemisë”, tha kryetari i BA-së, Detlef Scheele.
Bllokimet e shkaktuara nga pandemia në pranverë mbyllën bizneset dhe fabrikat, por ndjenja u përmirësua, ndërsa ekonomia u hap në muajt në vijim. Skemat e punës me kohë të shkurtër të mbështetur nga qeveria kanë zbutur goditjen, duke kursyer qindra-mijëra vende pune.
Numri i njerëzve në punë me kohë të shkurtër (Kurzarbeit) ra në tetor në 2.6 milionë nga një kulm në prill prej 5.95 milionë, tha agjencia BA, duke sugjeruar një ngritje të besimit të biznesit.
Qeveria synon të ofrojë mbështetje financiare për kompanitë e prekura nga bllokimet, por kjo mund të mos jetë e mjaftueshme për të kursyer disa nga miliona vende pune në rrezik. Rritja e rasteve të reja të koronavirusit “tregon se ne jemi akoma në mes të krizës – ekonomikisht gjithashtu”, tha Fritzi Koehler-Geib, kryeekonomist në bankën gjermane të investimeve publike KfW.
Në terma konkretë, rënia e shkallës së papunësisë në tetor përkthehet në rreth 35,000 më pak njerëz të regjistruar si të papunë nga muaji në muaj. Por, mbi një bazë 12-mujore, rreth 556,000 më shumë njerëz ishin të papunë krahasuar me të njëjtën pikë në vitin e kaluar. Para koronavirusit, shkalla e papunësisë gjermane ishte ngritur prej rreth pesë për qind, shkruan thelocal.de, përcjell albinfo.ch.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)