Koronavirusi: çast pas çasti
Gjermania mendon për dozën e tretë, kush do të vaksinohet
Pak më shumë se 52% e popullsisë është vaksinuar plotësisht dhe rreth 62% kanë marrë të paktën një vaksinë
Gjermania në shtator do të fillojë të ofrojë një dozë përforcuese kundër COVID-19 për pensionistët dhe njerëzit me sistem imunitar të dobët. Vaksinimet do të bëhen duke përdorur vaksina nga Pfizer/BioNTech dhe Moderna pavarësisht asaj që ishte përdorur më parë, deklaruan ministrat e Shëndetësisë së 16 shteteve pas bisedimeve me Ministrin Federal të Shëndetësisë, Jens Spahn.
Ata gjithashtu ranë dakord të bëjnë vaksinimin për të gjithë fëmijët e moshës 12 deri në 17 vjeç, shkruan Scan, përcjell albinfo.ch.
Vendimet pasqyrojnë shqetësimet në Gjermani për përhapjen e shpejtë të variantit Delta, çka mund ta detyrojë vendin të kthehet në kufizime dhe bllokime pasi ekonomia më e madhe e Evropës po i afrohet zgjedhjeve të përgjithshme në shtator.
16 shtetet e Gjermanisë, të cilat menaxhojnë çështjet e tyre shëndetësore, synojnë të vaksinojnë më shumë njerëz për të shmangur valën e katërt të koronavirusit. Aktualisht, pak më shumë se 52% e popullsisë është vaksinuar plotësisht dhe rreth 62% kanë marrë të paktën një vaksinë.
Vaksinimi i fëmijëve midis 12 dhe 17 vjeç është vullnetar, ashtu si edhe për pjesën tjetër të popullsisë, dhe do të bëhet vetëm pas pëlqimit të prindërve dhe një kontrolli mjekësor që përjashton rreziqe serioze shëndetësore, thanë ministrat. Rreth 10% e 4.5 milionë fëmijëve në këtë grupmoshë janë vaksinuar plotësisht.
Gjermania ka regjistruar më shumë se 2,000 raste të reja në ditë që nga e Mërkura e kaluar.
Të ngjashme
Të tjera nga Koronavirusi: çast pas çasti
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor