Hovenier: SHBA do të marrë masa pasi të vërtetohet kush qëndron prapa sulmit të 24 shtatorit

Ambasadori amerikan në Prishtinë, Jeff Hovenier, tha në një intervistë me Zërin e Amerikës se Shtetet e Bashkuara do të marrin masa pasi të vërtetohet se kush qëndron prapa sulmit të 24 shtatorit në fshatin Banjskë në veri të Kosovës, duke theksuar se nuk bëhet fjalë për grup të mbledhur spontanisht.

Në intervistën që është paralajmëruar të transmetohet të enjten, Hovenier tha se Shtetet e Bashkuara kërkojnë nga Serbia të bashkëpunojë për ndriçimin e plotë të ngjarjeve dhe vënien e autorëve para drejtësisë.