Kosova
KE: Kosova dhe Serbia të zbatojnë marrëveshjen për normalizimin e marrëdhënieve

Udhëheqësit e shteteve dhe qeverive të vendeve anëtare të Bashkimit Evropian mirëpritën marrëveshjen e arritur në bisedimet ndërmjet udhëheqësve të Kosovës dhe Serbisë më 18 mars në Ohër.
Të dyja palët u pajtuan të shtunën të zbatojnë një plan të mbështetur nga perëndimi për normalizimin e marrëdhënieve që është kusht për përmbushjen e aspiratave të tyre për anëtarësim në Bashkimin Evropian.
“Këshilli Evropian mirëpret marrëveshjen për rrugën drejt normalizimit të marrëdhënieve ndërmjet Kosovës dhe Serbisë dhe planin e zbatimit të saj, të arritur në dialogun e lehtësuar nga BE-ja, si pjesë integrale e rrugës së tyre evropiane, dhe u bën thirrje të dyja palëve që të zbatojnë me shpejtësi dhe në mirëbesim detyrimet e tyre përkatëse”, thuhet në tekstin e përfundimeve të Këshillit Evropian.
Plani evropian për të cilin palët u pajtuan më 27 shkurt në Bruksel ndërsa me 18 mars në Ohër për zbatimin e tij, kërkon marrëdhënie të mira fqinjësore, njohje të dokumenteve dhe simboleve dhe respektim të sovranitetit dhe tërësisë tokësore të njëra tjetrës. Ai kërkon që palët të mos pengojnë njëra tjetrën në proceset integruese, por nuk kërkon njohje të ndërsjellë.
Mosnënshkrimi i dokumentit në takimin e Ohrit nxiti mëdyshje nëse marrëveshja mund të trajtohet si ligjërisht e detyrueshme.
Bashkimi Evropian dhe Shtetet e Bashkuara thonë se pavarësisht që kjo marrëveshje nuk u nënshkrua nga palët, ajo është detyrim ligjor që përfshinë edhe zbatimin e të gjitha marrëveshjeve të mëparshme të arritura në bisedimet ndërmjet palëve./VOA
E-Diaspora
-
Fehmi Fetahi nderohet në Tiranë me çmimin ‘Sahati i Tiranës’ Më 2 dhjetor 2023, në edicionin e nëntë të spektaklit „Krishtlindje në Tiranë“, format ky i...
-
Kafeteria në Suedi dhe kolegët ku punonte Liridona Ademaj mbledhin para për familjen e saj
-
Këto janë Personalitetet e Vitit 2023, të zgjedhura nga albinfo.ch
-
Ambasadori Nano, me veshje kombëtare paraqitet para Trupit Diplomatik në Zvicër
-
Detaje të reja rreth vrasjes së 27-vjeçarit shqiptar në Gjermani
Jeta në Zvicër
-
Popullsia zvicerane, kryesisht e kënaqur me cilësinë e kujdesit mjekësor Gati dy të tretat e 2,292 personave mbi 18 vjeç të anketuar besojnë se cilësia e...
-
Iniciativa zvicerane synon udhëheqjen globale në Inteligjencën Artificiale
-
Superkompjuteri zviceran, më i fuqishmi në botë, lansohet në shkurt 2024
-
Gjermania zgjat kontrollet kufitare me Zvicrën, Poloninë dhe Çekinë
-
Kjo është arsyeja pse bashkitë vazhdojnë të financojnë qendrat e skive