Komandanti i KFOR-it kritikon Qeverinë e Kosovës, thotë se veproi njëanshëm

Komandanti i KFOR-it, Angelo Michele Ristuccia, në një intervistë për mediat italiane ka folur për situatën në veriun e Kosovës.

Mes tjerash ai ka kritikuar veprimet e kryeministrit të Kosovës, Albin Kurti, që sipas shefit të misionit të NATO-s, janë veprime të njëanshme.

“Vendimi i kryeministrit të Kosovës Albin Kurti, për të vendosur kryetarë komunash me përkatësi etnike shqiptare të panjohur nga shumica serbe, pa marrë parasysh këshillat e komunitetit ndërkombëtar. Veprimi i dytë i njëanshëm i qeverisë ishte përdorimi i forcës pa u konsultuar me ne, duke bërë kështu të nevojshme ndërhyrjen tonë për të shmangur një tragjedi”, tha ai në një intervistë për gazetën italiane Corriere Della Sera.