Kosova
Kompanitë nga Kosova prezantohen në “COLLISION 2023” në Kanada
Mësohet se Ministria e Industrisë, Ndërmarrësisë dhe Tregtisë (MINT), përkatësisht Agjencia për Investime dhe Përkrahjen e Ndërmarrjeve në Kosovë (KIESA) ka organizuar pjesëmarrjen e kompanive nga Kosova në konferencën/panairin “COLLISION 2023”, që po mbahet në Toronto të Kanadasë nga data 26 qershor, përcjell albinfo.ch.
Kompanitë kosovare prezente në hapjen zyrtare të konferencës janë: Banaku, Kreahub, Tactíca, LinkPlus IT, Appbites, Tenton dhe Polymaths. Ato janë duke i promovuar shërbimet që i ofrojnë në lëmin e teknologjisë informative, njëherësh po zhvillojnë kontakte me pjesëmarrës dhe partnerë potencialë me qëllim të krijimit të bashkëpunimit dhe rritjes së shërbimeve në sektorin e TIK-ut.
Për kompanitë nga Kosova, MINT-KIESA ka siguruar hapësirën ekspozuese prej 24 m2 dhe një ekspozim në hollin kryesor, ku janë të sistemuara edhe kompanitë e vendeve më të zhvilluara në botë.
Të pranishëm në këtë panair janë edhe zëvendësministri i Industrisë, Ndërmarrësisë dhe Tregtisë, z. Mentor Arifaj dhe U.d. Drejtori i Përgjithshëm i KIESA-s, z. Zef Dedaj.
Shtandi ku janë duke prezantuar kompanitë nga Kosova është vizituar edhe nga konsulli i Kosovës në Kanada, z. Kadri Dakaj.
Shtandi i Kosovës që gjendet në Hall B me numër E261, po frekuentohet nga vizitorë dhe pjesëmarrës të shumtë, të cilët po shprehin interesim për atë se çka ofrojnë kompanitë tona në fushën e IT-së.
“COLLISION2023” njihet si një ndër organizimet më të mëdha në botë, i dedikuar ekskluzivisht për sektorin e TIK-ut.
Kanadaja është një ndër partnerët strategjikë të Kosovës, si në fushën e Investimeve të Huaja Direkte (IHD), ashtu edhe në fushën e shkëmbimeve tregtare.
Bazuar në të dhënat e Bankës Qendrore të Kosovës, IHD-të nga Kanada gjatë vitit 2021 kanë qenë 8.8 milionë euro, ndërsa në vitin 2022 ka pasur rritje duke arritur në shumën prej 17.8 milionë euro.
Eksportet e shërbimeve nga Kosova po ashtu kanë shënuar një rritje të konsiderueshme. Derisa në vitin 2021 ishin në vlerë prej 1.9 miliardë euro, në vitin 2022 eksportet kapën shifrën prej 2.5 miliardë euro.
Trendi i rritjes po vazhdon edhe në TM1 të vitit 2023, ku vlera e eksportit të shërbimeve është 494 milionë euro.
Eksporti i shërbimeve për sektorin e IT-së, sektor ky që është në fokus të përkrahjes dhe promovimit, në vitin 2021 ka eksportuar shërbime në vlerë prej 98.8 milionë euro; në vitin 2022 ka eksportuar shërbime në vlerë 210.1 milionë euro, ndërsa vetëm në TM1 të vitit 2023, vlera e shërbimeve në sektorin e IT-së ka arritur në 57.9 milionë euro.
“COLLISION 2023” është i hapur deri më 30 qershor.
Të tjera nga Kosova
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Osmani u drejtohet bizneseve amerikane në Teksas: Investoni në Kosovë
Jeta në Zvicër
-
“Qeveria kantonale duhet të sjellë Eurovisionin në Cyrih” Kwshilltarja kantonale e GLP-sw, Chantal Galladé dëshiron të dijë nga qeveria kantonale se si është e...
-
Hedhja e parave nga qielli në Cyrih: Një 12-vjeçar është plagosur rëndë me sende të mprehta
-
Zvicra ‘shtyn’ ukrainasit të punojnë më shumë
-
Kështu e imagjinojnë qytetin e tyre vajzat e Bazelit
-
Përdorimi më i ulët i armëve të policisë zvicerane në 14 vjet