Kosova shkëlqen në botë: Lisjeta Thaqi triumfon në Kupën e Botës në paraglajd

Kosova ka shënuar një sukses të madh në serinë e dytë të Paragliding Accuracy World Cup, e mbajtur në Maqedoninë e Veriut, ku pilotja Lisjeta Thaqi u rendit në vendin e parë në kategorinë e femrave.

Me një performancë të qetë, të saktë dhe në nivel të lartë profesional, Thaqi arriti të lërë pas disa prej emrave më të njohur të këtij sporti, duke e vendosur Kosovën në majat e garave ndërkombëtare. Ky rezultat vjen si dëshmi e punës së saj të vazhdueshme, përkushtimit dhe përgatitjes së lartë që ajo tregon në çdo paraqitje.

Edhe pilotët e tjerë kosovarë patën paraqitje të mira në këtë garë të fortë. Migjen Shala u rendit në vendin e katërt në renditjen e përgjithshme, ndërsa Fanol Shala dhe Lisjeta Thaqi ndanë vendin e pestë në botë.

Kosova po vazhdon të shquhet në skenën ndërkombëtare, duke nxjerrë sportistë që po garojnë me sukses kundër elitës botërore në paraglajd.