Kosova
Kurti: Serbia refuzon ta hapë pikëkalimin kufitar në Svircë
Kryeministri i Kosovës, Albin Kurti, ka akuzuar Serbinë për moszbatim të marrëveshjeve. Ai ka thënë se Serbia po refuzon ta ndërtojë kabinën e ngjashme policore për kalim zyrtar të qytetarëve.
Kryeministri i Kosovës, Albin Kurti, e ka akuzuar Serbinë për moszbatim të marrëveshjeve. Ai ka thënë se Serbia po refuzon ta ndërtojë kabinën e ngjashme policore për kalim zyrtar të qytetarëve.
Ai i bëri këto komente në një postim në Facebook, ku ka treguar se ka vizituar vendkalimin kufitar Kapia (Porta), bashkë me kryetarin e Komunës së Kamenicës, Rrahim Kadriaj.
“Në mes të rrugës ata kanë vendosur barrikadë me cunga”, ka shkruar mes tjerash Kurti.
Më poshtë postimi i plotë i Kurtit:
Kapia do zbatim
Më 2 dhjetor 2011 u pati nënshkruar Marrëveshja e Brukselit për Menaxhimin e Integruar të Kufirit, e cila vazhdon të mos zbatohet nga Serbia.
Në vendkalimin kufitar Kapia (Porta) ndërmjet Komunës së Kamenicës dhe Medvegjës isha sot bashkë me kryetarin e Komunës, Kadri Rahimaj. Aty na pritën oficerët e Policisë së Kosovës, Haki Leci dhe Fadil Imeri. Këta evokuan kujtimet kur u vendosën për herë të parë këtu te kufiri pa vendkalim më 16 dhjetor 2016. Në anën tjetër të kufirit, Serbia refuzon ta ndërtojë kabinën e ngjashme policore për kalim zyrtar të qytetarëve. Në mes të rrugës ata kanë vendosur barrikadë me cunga. E, në të dy anët e kufirit është fshati i njëjtë Svircë. Ky kufi pa vendkalim i ndanë edhe anëtarët e të njëjtave familje që detyrohen të udhëtojnë mbi 15 km larg në Mutivodë për të kaluar në anën tjetër.
Kapia do zbatim, porta duhet të hapet.
E-Diaspora
-
Itali
Arrestohet shqiptari në Itali, kishte mbi 1 kg kokainë në makinë Raportohet se një 38-vjeçar me origjinë shqiptare është arrestuar nga agjentë të policisë së Reggio Emilia...
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun
-
Shqipëri: A do të mundësohet vota e emigrantëve në zgjedhjet 2025?
Jeta në Zvicër
-
Kjo linjë ajrore në Zvicër nis destinacione të reja për distanca të gjata Më 7 maj, linja ajrore kombëtare e Zvicrës do të inaugurojë shërbimin e saj të parë...
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun
-
Bashkëpunimi Zvicër-Kosovë, diskutojnë Rafuna e Fetahi
-
Pritet trafik i rënduar gjatë majit në Zvicër