Makinat me rimorkio do të lejohen të zhvillojnë shpejtësinë 100 kmh

Kjo, me kushtin që t`i kenë përmbushur kriteret e domosdoshme teknike dhe të sigurisë

Automjetet me rimorkio ose me “karavan” (kampshtëpizë) në të ardhmen do të mund të zhvillojnë shpejtësinë prej 100 kilometrash në orë në autostradat zvicerane. Kjo, me kushtin që t`i kenë përmbushur kriteret e domosdoshme teknike dhe të sigurisë, shkruan srf.ch

Komisioni për Komunikacion në kuadër të Dhomës së Kantoneve të Parlamentit të Zvicrës rekomandon miratimin e një iniciative parlamentare me këtë temë, transmeton albinfo.ch. Dhoma Nacionale e Parlamentit tashmë e kishte miratuar në muajin qershor kërkesën në fjalë.

Atë e kishte iniciuar deputeti i FDP-së nga Kantini Aargau, Thierry Burkart. Ai kishte argumentuar me atë rast se automjetet me rimorkio tejkalohen shpesh nga kamionët, gjë që çon në situata të rrezikshme dhe në pengim të komunikacionit.