Lajme
Me veturat e vjetra nuk realizuan të hyra sa kishin planifikuar
Gjatë 2011-shit në Kosovë janë importuar 19 mijë e 811 vetura të përdorura dhe 1 mijë e 357 vetura të reja
Milionat e planifikuara nga Qeveria nuk kanë hyrë në arkën e buxhetit sipas planit të rritjes së të hyrave financiare nëpërmjet vendimit për importimin e veturave të vjetra deri në 13 vjet
Në kohën kur vendimi pritej të hynte në fuqi, zyrtarë të Qeverisë, duke i përfshirë edhe doganierët, patën deklaruar se nga lejimi i importimit të veturave të vjetra deri në 13 vjet, do të inkasohen afërsisht 20 milionë euro më shumë sesa të hyrat e arkëtuara gjatë vitit 2010.
Vendimi që hyri në fuqi më 1 korrik i solli Qeverisë vetëm gjysmën e të hyrave financiare të planifikuara. Janë dhjetë milionë euro më pak të arkëtuara nga i njëjti vendim, ani pse Qeveria pati planifikuar të realizonte dyfishin e kësaj vlere, shkruan Koha Ditore.
Gjatë 2011-shit në Kosovë janë importuar 19 mijë e 811 vetura të përdorura dhe 1mijë e 357 vetura të reja. Masa doganore, akciza në kufi dhe tatimi mbi vlerën e shtuar nga e njëjta sasi e veturave, Qeveria ka realizuar të hyra prej 41 milionë eurove.
Kryesisht janë të hyrat nga TVSH-ja dhe akciza në kufi e importimit të veturave të vjetra ato që kanë ngritur nivelin e të hyrave të përgjithshme të realizuara gjatë vitit 2011.
Sipas tabelave zyrtare të Doganave të Kosovës, vlera financiare e arkëtuar nga TVSH-ja në importimin e veturave të vjetra kalon mbi 15 milionë euro, derisa vlera e të hyrave nga akciza në veturat e vjetra gjatë vitit që lamë pas arriti në mbi 12 milionë euro.
Për veturat e vjetra në maksimumin e lejuar nga vendimi Qeveria obligon qytetarët të paguajnë akcizë prej 1 mijë e 100 eurove për copë, derisa në veturat e reja nuk aplikohet fare akcizë.
Sipas planit Qeveritar, të hyrat totale që pritej të realizoheshin nga vendimi për importimin e veturave 13 vjet të vjetra arrinin vlerën prej mbi 52 milionë eurove.
Gjatë 2010-shit, janë importuar gjithsej 12 mijë e 465 vetura të përdorura dhe 1 mijë e 108 vetura të reja. Në po të njëjtit vit kur edhe vlente vendimi për ndalimin e importimit të veturave më të vjetra se 8 vjet që daton nga 2005-a, ishin arkëtuar gjithsej 30 milionë euro. /albinfo.ch&KD/
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
Jeta në Zvicër
-
Fëmijët të mbahen larg celularëve Politikanët e Bazelit po bëjnë thirrje për ndalimin e telefonave celularë në shkolla dhe më shumë...
-
Sot zviceranët votojnë për ligjin e ri të biçikletave dhe kredinë për shkollën profesionale
-
Rritje 293 për qind e studentëve të huaj në Universitetin e Cyrihut
-
Nëntë kilometra bllokim trafiku përpara tunelit Gotthard
-
A është e ligjshme djegia e flamurit të Zvicrës?