Ministri serb në Qeverinë e Kosovës thotë se është më i sigurt në Kosovë se në Serbi

Ministri për Komunitete dhe Kthim në Qeverinë e Kosovës, Nenad Rashiq, në një intervistë për media boshnjake thotë se ai dhe familje e tij ndjehen më të sigurt në Kosovë sesa në Serbi.

“Unë si serb dhe familja ime serbe ndihem më i sigurt në Kosovë sesa në Serbi”, tha Rashiq, përcjelll albinfo.ch.

Ai e ka cituar edhe politikanin serb, Oliver Ivanoviq, i cili u vra në veriun e Mitrovicës më 6 janar 2018.

Ivanoviq kishte thënë se “Serbët në veri të Kosovës nuk e kanë asnjë problem me shqiptarët. Ata kanë problem me Listën Serbe dhe me qeverinë në Beograd”, shkruan Klankosova.

Këto deklarime të Rashiqit vijnë një javë pasi në fshatin Banjskë të Zveçanit u krye sulm terrorist mbi policinë e Kosovës, ku mbeti i vrarë rreshteri Afrim Bunjaku.

---