Kosova
Në Këshillin Evropian diskutohet për Kosovën dhe Serbinë
Në takimet e së enjtes dhe të premtes në Këshillin Evropian në Bruksel dialogu Kosovë – Serbi do të jetë pjesë e rendit të ditës.
Pjesë do të jetë edhe dakordimi mes Kosovës dhe Serbisë, i arritur në Ohër, për zbatimin e marrëveshjes për normalizim të marrëdhënieve. Marrëveshja me 11 nene, kërkon nga të dyja vendet që t’i pranojnë dokumentet dhe simbolet e njëra-tjetrës, përfshirë: pasaportat, diplomat dhe targat. Po ashtu nga palët kërkohet të zbatohen të gjitha marrëveshjet e arritura në Bruksel në kuadër të dialogut, përfshirë këtu edhe atë për Asociacionin e komunave me shumicë serbe, shkruan Radio Evropa e Lirë, përcjell albinfo.ch.
Radio Evropa e Lirë ka pasur qasje në draftin e konkluzave nga samiti i BE-së, ku përshëndetet arritja e marrëveshjes në Ohër.
“Këshilli Evropian mirëpret marrëveshjen e arritur në dialogun e lehtësuar nga Bashkimi Evropian për aneksin e implementimit të Marrëveshjes drejt normalizimit të raporteve mes Kosovës dhe Serbisë, dhe u bën ftesë të dyja palëve që në mënyrë të përshtatshme dhe në mirëbesim, të implementojnë obligimet e tyre përkatëse”, përmendet në draft të raportit, raporton REL, përcjell albinfo.ch.
Krerëve të shteteve anëtare të BE-së do t’i raportojë në këtë temë edhe kryediplomati i bllokut evropian, Josep Borell. Ai ka raportuar për këtë çështje edhe të hënën para ministrave të Jashtëm të vendeve anëtare.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën