Ngujohen për më shumë se 15 orë rreth 40 minatorë të Trepçës

UPDATE: Lajmi i fundit është se, të gjithë Minatorët janë nxjerrë të sigurt dhe nuk kanë shfaqur probleme shëndetësore.

Kanë mbetur të ngujuar në miniera për më shumë se 15 orë rreth 40 minatorë të Trepçës.

Lajmin e ka konfirmuar kryetari i Sindikatës së Minatorëve të Trepçës, Ibrahim Jonuzi, duke shtuar se kjo ka ndodhur për shkak të një defekti me energji elektrike.

“Për shkak të një defekti me energji elektrike, kanë mbetur të ngujuar për më shumë se 15 orë rreth 40 minatorë në kombinatin Trepça”, tha Jonuzi.

Sipas tij, pritet që këta minatorë të dalin shumë shpejt nga këto hapësira.

“Po besoj shumë shpejt kanë për të dalë nga këto hapësira”, përfundoi ai.