Kosova
NISMA kërkon rinumërim të votave në të gjitha vendvotimet
Sekretari i përgjithshëm i Nismës Socialdemokrate, Bilall Sherifi ka mirëpritur vendimin e Komisionit Qendror i Zgjedhjeve për rinumërimin e votave në 303 vendvotime. Mirëpo ai ka thënë se ky vendim është i mirë, por i përgjysmuar sepse, siç thotë ai, duhet të bëhet rinumërimi i të gjitha kutive.
“KQZ mori vendim ashtu siç kemi kërkuar ne, edhe pse PZAP e ka refuzuar këtë gjë, KQZ ka pranuar gabimin, të cilat kanë prodhuar gabime në bartjen e të dhënave. Ne nuk kemi përfaqësues në KQZ, por e kemi ngritur shqetësimin përmes konferencave.
Ne nuk jemi duke e kundërshtuar daljen e qytetarëve në zgjedhje, por problemet kanë filluar në momentin kur votat kanë hyrë në kuti. Në formularë është krijuar një kaos i vërtetë përmes gabimeve dhe po ashtu ka krijuar shtrembërim të rezultateve.
Ne mendojmë dhe jemi të bindur që jo vetëm 303 formularë kanë gabime, por të gjitha formularët kanë gabime, e që i bie që të gjitha kutitë të shkojnë në rinumërim”, ka thënë Sherifi.
Sipas rezultateve preliminare të KQZ-së, koalicioni Nisma-AKR-PD nuk ka arritur pragun prej 5 për qind sa kërkohet për të qenë pjesë e Kuvendit, ky koalicion ka marrë 39 mijë e 495 vota, apo 4.96%. VV ka fituar 25.49 për qind të votave, pasur nga LDK me 24.82 për qind të votave, ndërsa PDK ka dalë e treta.
Numërimi i votave të rregullta të zgjedhjeve të 6 tetorit ka përfunduar, mirëpo ende të panumëruara janë votat e diasporës, të cilat janë mbi 30 mijë. Një ditë më parë, Paneli Zgjedhor për Ankesa dhe Parashtresa (PZAP) ka hedhur poshtë kërkesën e Lidhjes Demokratike të Kosovës, Partisë Demokratike të Kosovës dhe koalicionit, Nisma Socialdemokrate, Aleanca Kosova e Re dhe Partia e Drejtësisë për rinumërimin e të gjitha votave në nivel vendi, shkruajnë mediat kosovare, përcjell albinfo.ch.
Të ngjashme
Të tjera nga Kosova
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit