Kosova
OJQ-të kundërshtojnë mbajtjen e festivalit “Sunny Hill” në Gërmi
Përgjatë datave 2, 3 dhe 4 gusht, në Parkun e Gërmisë në Prishtinë do të mbahet festivali “Sunny Hill’, përcjell albinfo.ch.
Por disa organizata të shoqërisë civile në Kosovë, po konsiderojnë se ky aktivitet do të dëmtojë florën dhe faunën në Gërmi.
“Kjo deklaratë publike adreson shqetësimin tonë si qytetarë dhe si pjestarë të shoqërisë civile kosovare ndaj organizimit të ngjarjeve kulturore/artistike komerciale të cilat degradojnë mjedisin dhe hapësirat e gjelbërta natyrore dhe shkaktojnë dëme të mëdha tek fauna veçanërisht tek shpezët që jetojnë në ambientet/mjediset natyrore të mbrojtura në Kosovë”, thuhet në reagimin e OJQ-ve.
“Festivali i muzikës “Sunny Hill Festival”, këtë vit orgzanizon edicionin e dytë me performanca muzikore të zhurmshme për tre ditë rresht (2-4 gusht) në Parkun e Gërmisë, peisazh i mbrojtur natyrorë. Formati dhe përmasat e festivalit janë mjaft të mëdha, andaj edhe konsiderohet si njëri nga festivalet më të mëdha në Kosovë. Kjo automatikisht i bie që ndotja e ambientit që do të ndodhë përmes zhurmës dhe mënyrave tjera siç i dimë të gjithë (hedhja e cigareve, shisheve, plastikes, feçeve dhe urinës së njerëzve, etj.) do të shkaktojnë pasoja të mëdha në natyrë dhe në jetesën normale të kafshëve dhe shpezëve në atë zonë”, thuhet po ashtu në reagim.
Po ashtu, përmes kësaj deklarate, OJQ-të kanë përcjellur edhe një porosi për ministrin e Mjedisit dhe Planifikimit Hapësinor, Fatmir Matoshit, duke thënë ndër të tjerash se “parqet, malet, bjeshkët dhe vendet e mbrojtura (apo edhe jo) me ligj apo akte të tjera në fuqi në Republikën e Kosovës, nuk duhet prekur nga asgjë që mund të shkaktojë edhe vetëm çrregullimin më të vogël në natyrë, njerëz apo kafshë; e mos të flasim për ndotjen që një festival do të sjellë për tri ditë të plota”, përcjell albinfo.ch.
Më poshtë mund ta lexoni deklaratën e plotë dhe emrat e OJQ-ve që janë listuar krah këtij qëndrimi.
Të ngjashme
Opinione tjera
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor