Kosova
Opozita thotë se vendi ndodhet në një moment kritik, kërkon bashkëpunim me ndërkombëtarët
Krerët e partive opozitare kanë takuar emisarët ndërkombëtar Miroslav Lajçak dhe Gabriel Escobar në kuadër të diskutimeve për shtensionim të situatës në Veri të Kosovës.
Kreu i Partisë Demokratike të Kosovës, Memli Krasniqi tha se u diskutua për zhvillimet e fundit dhe kanë dëgjuar qëndrimet amerikane dhe evropiane për situatën e krijuar në veri.
“Është e vërtetë që situata aktuale është shumë shqetësuese, ne po shohim që nuk ka një lëvizje përpara, ka një situatë e cila është duke e dëmtuar Kosovën në kuptimin e raporteve të saj ndërkombëtare, në radhë të parë me partnerët strategjikë, andaj kërkuam dhe shprehem gatishmërinë tonë që të luajmë rolin tonë shtetëror për të ruajtur relacionet tona me SHBA-në në radhë të patë dhe shtetet e BE-së”, është shprehur Krasniqi, përcjellë albinfo.ch.
Ai është pyetur nëse e mbështetë idenë e zgjedhjeve të jashtëzakonshme në katër komunat veriore, Zveçan, Leposaviq, Zubin Potok dhe Mitrovicë e Veriut, u shpreh se nuk janë diskutuar tema konkrete.
“PDK-ja ka luajtur një rol të rëndësishëm gjatë këtyre ditëve, sidomos pas të premtes kur Qeveria, pa konsultim, në mënyrë të fshehur e pa koordinim ka ndërmarr veprime të cilat e kanë sjellë në këtë situatë”, tha Krasniqi, derisa ka bërë përgjegjës edhe një herë kryeministrin e Kosovës, Albin Kurti dhe Presidenten e Kosovës, Vjosa Osmanin për dëmtim të marrëdhënieve me partnerët ndërkombëtar.
Ndërkohë, kryetari i Lidhjes Demokratike të Kosovës, Lumir Abdixhiku, deklaroi se Kosova gjendet në një moment kritik që nuk është parë më herët.
“Jemi në një situatë shqetësuese për Republikën e Kosovës dhe për më tepër të paqartë. Shqetësuese për shkak të gjendjes se relacioneve që Kosova i ka me aleatët e saj, e të paqartë për shkak të mungesës së planit dhe gatishmërisë së kryeministrit të Kosovës për dakordim me aleatët. Në këtë fazë Kosovës i mbetet të sheh dhe pasojat që mund të vijnë nga një delegacion tillë, nga SHB-ja, BE-ja dhe nga NATO-ja. Një gjendje të tillë e kemi vështirë ta pranojmë si LDK, si parti politike opozitare me numër të kufizuar të deputetëve në kuvend. Veprimet tona do të jenë publike…Shpresoj të reflektojë i njëjti (kryeministri Kurti)”, shtoi ai, përcjellë albinfo.ch.
I dërguari i Bashkimit Evropian për Dialogun, Miroslav Lajçak dhe ai i Shteteve të Bashkuara të Amerikës për Ballkanin Perëndimor kanë takuar edhe Listën Serbe, por nuk janë deklaruar për media pas takimi.
Të tjera nga Kosova
E-Diaspora
-
Oficerë shqiptarë që shërbejnë dhe kontribuojnë në sigurinë e Nju-Jorkut Shqiptarët kudo në botë po deportojnë në shumë fusha, shkrua albinfo.ch. Afro 200 oficerë, policë shqiptarë...
-
Në Zvicër u mblodhën mbi 37 mijë euro në edicionin e 6-të të ngjarjes filantropike Save a Life!
-
Zvicër: Kjo anije është rezervuar për shqiptarët
-
Prezantohet në Vjenë platforma “Made in Kosova“
-
“Alba Festival” mbahet në zemër të Cyrihut me “Line Up-in” më të mirë ndonjëherë
Jeta në Zvicër
-
Zvicra, një vend i udhëtarëve me vetura Gjysma e popullsisë së punës në Zvicër udhëton për në punë me makinë. Ndryshe nga objektivat...
-
‘Shpërthejnë’ çmimet e apartamenteve për pushime në Alpet zvicerane
-
Verbier, destinacion më i shtrenjtë se St. Moritz, këto janë arsyet
-
Sa u kanë borxh zviceranët kompanive të sigurimeve shëndetësore?
-
Pse shtetasve të huaj nuk u kërkohet të shërbejnë në ushtrinë zvicerane