Muzikë

Pas vizitës në Kosovë, Rita zbulon turneun e radhës

Këngëtarja me famë botërore, Rita Ora, pas kreu vizitën e saj në vendlindje, ka njoftuar për turneun e radhës, ku do ta promovojë albumin  ‘Phoenix’.

Turneu i saj muzikor do të zgjasë rreth një muaj dhe do të nisë në Oslo të Norvegjisë më 23 prill, e do të përfundojë në Glasgow më 29 maj, përcjell albinfo.ch.

Rita do të mbajë koncert edhe në Milano të Italisë më 30 prill.

“Mezi po pres”, ka shkruar këngëtarja në një postim në Instagram.

Ndërkaq, Rita Ora ka qëndruar disa ditë në Kosovë, ku përmes UNICEF-it ka nisur një mision humanitar për viktimat e dhunës seksuale.