Kuzhina shqiptare

Përpeq i zbuluar

perpeqPërbëresit:

•       700 gr miell,
•       ujë,
•       kripë,
•       1 lugë vaj,
•       300-500 gr djathë,
•       100-150 gr mazë,
•       2-3 vezë,
•       1/2 lugë miell misri.

Përgatitja:

Varësisht nga madhësia e tepsisë, ulet brumi me ujë të vakët, kripë dhe 1 lugë vaj.
Ndërkohë, djathi troshitet, i shtohen maza, vezët , ½ lugë miell misri dhe të gjitha përzihen mirë.
Ngjeshet brumi dhe tëhollohet.
Vihet në tepsi të lyer me yndyrë dhe mazë, kurse skajet depërtojnë përtej tepsisë.
Mbi petë shtrihet djathi i përgatitur me përbërësit e tjerë, kurse skajet e petës palosen nga brenda.
Mesi mbetet i zbuluar.
Nxehet furra në 250 gradë C, futet tepsia, pastaj ulet temperatura në 200 gradë C. Piqet për 30-40 minuta.

Ju bëftë mirë!


 Të tjera nga Kuzhina shqiptare