Lajme
Edhe Philips shkurton vendet e punës
![](https://www.albinfo.ch/wp-content/uploads/2023/01/screenshot_20230130-233319_facebook-587x347.jpg)
Prodhuesi holandez i pajisjeve elektronike dhe mjekësore Philips njoftoi se do të shkurtojë 6.000 vende pune në mbarë botën gjatë dy vjetëve të ardhshme, pasi ka regjistruar një humbje prej 1,6 miliard eurosh në vitin 2022, nga një fitim neto prej 3,3 miliardë euro vitin e mëparshëm.
Shkurtimet e reja të fuqisë punëtore, të përshkruara si “të vështira, por të nevojshme”, u shtohen 4.000 shkurtimeve të vendeve të punës të njoftuara nga Philips në tetor.
Kompania me bazë në Amsterdam po përballet me tërheqjen e miliona ventilatorëve që janë përdorur për të lehtësuar vështirësitë në frymëmarrje gjatë gjumit. Vështirësi të tjera shkaktuan situata në Ukrainë dhe përhapja e koronavirusit në Kinë.
“Viti i kaluar ka qenë shumë i vështirë për Philips dhe aksionet tona, dhe ne po ndërmarrim hapa të vendosur për të përmirësuar biznesin dhe për të përshpejtuar urgjentisht performancën”, ka thënë shefi ekzekutiv i kompanisë Roy Jakobs.
Ai ka theksuar se shkurtimet e vendeve të punës do të reduktojnë ndjeshëm kostot dhe do ta bëjnë Philips një “organizatë më të fokusuar”.
Kompania njoftoi se gjysma e shkurtimeve të shpallura të vendeve të punës do të jetë këtë vit, dhe gjysma tjetër do të realizohet deri në vitin 2025.
Të tjera nga Lajme
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n