Kinema
Premiera e dokumentarit ‘Nacionalitete, Religjione ose Dashuri’, më 24 prill
Dokumentari i cili është realizuar në disa qytete të Zvicrës është me skenari të Nusret Emurlai, kamerë të Robert Jankuloskiit dhe regji të Sabidin Aliut
Një film-dokumentar i cili është realizuar me diasporën shqiptare në Zvicër, me titull “Nacionalitete, religjione ose dashuri” do të mund të shikohet nga artdashësit e Maqedonisë, në 24 prill në Sallën e Madhe të Komunës së Tetovës, me fillim në ora 19:00.
Filmi trajton tematiken e martesave të përziera, peripecitë që lindin nga ato dhe sesi shpeshherë këto martesa rezultojnë me shkurorëzime. Personazhet e filmit flasin vetë sesi do të duhej të tejkalohen vështirësitë dhe si do të dukej një familje e përsosur.
Njohja e kulturave parësore
Regjisori i filmit, Sabidin Aliu për albinfo.ch u shpreh: “Filmin e përbëjnë tri familje ku janë të përziera feja, përkatësia etnike dhe kulturat e ndryshme prej nga vinë ato, por mbi te gjitha mbisundon dashuria, mirëkuptimi dhe respekti për partnerin dhe kulturën tjetër.”
Filmi është realizuar në disa qytete të Zvicrës, ndërsa përgatitjet kanë zgjatur dy vite.
“Mesazhi i filmit tregon se ne nuk jemi popull ekskluziv, por jemi si gjithë popujt tjerë europianë dhe dimë të ndërtojmë raporte të shëndosha me vlerat kulturore dhe fetare të popujve tjerë,” vijoi me tej regjisori i njohur Aliu.
Filmi do të prezantohet edhe para publikut helvet, pasi që tema që trajton është aktuale dhe e diskutueshme në diasporën shqiptare.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Sa vlen Zvicra për UBS-në? Banka e madhe po bën aktin balancues midis UBS-së zvicerane me këmbë në tokë dhe UBS-së...
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor