Qiratë në rritje, në qytetet zvicerane

Tomek Baginski Avatar of user Tomek Baginski Tomek Baginski @tombag

Me gjithë ndikimin ekonomik të pandemisë koronavirus, qiratë në qytetet e Zvicrës kanë vazhduar të rriten gjatë gjashtë muajve të parë të vitit 2020.

Shifrat e reja kanë shfaqur popullaritetin e qëndrueshëm të qyteteve të Zvicrës, me rritjen e kostove të qirave.

Marrja me qira në gjithë Zvicrën kushton 0.4 për qind më shumë se sa në fillim të vitit, por ka dallime të dukshme midis zonave rurale dhe urbane.

Shifrat vijnë nga Zürcher Kantonalbank (ZKB) dhe nga platforma e internetit homegate.ch.

Studimi mori në konsideratë ndryshimet mujore në çmimet e qirave për apartamente të reja dhe të përdorura në Zvicër.

‘Homegate’ tha që studimi tregoi se ndikimi i përhapjes së koronavirusit ishte më pak i rëndësishëm sesa pritej.

Në kantonin e Gjenevës çmimet janë rritur me 4.5 për qind nga fillimi i vitit.

Ritje të konsiderueshme prej 3.8 për qind ka edhe në Gjenevë dhe një rritje prej 1.5 për qind në Cyrih.

Rënia më e madhe ishte në Obwalden dhe Nidwalden, ku qiratë ranë me -0.5 për qind.

Qiratë në Graubünden dhe Basel Country ranë me -0.4 për qind, ndërsa me -0.3 për qind në Ticino, përcjell albinfo.ch.