Rast i veçantë në Korçë: Hoxha shkon në kishë dhe uron Pashkët

Myftiu i Korçës, Ledian Cikalleshi, ka bërë një vizitë dhe urim në Mitropolinë e Korçës për festën e Pashkëve.

Kjo vizitë ka shënuar një rast të pazakontë në këtë ditë feste për besimtarët ortodoksë.

Ashtu sikurse Shqipëria njihet për bashkëjetesë fetare, myftiu ka dashur të tregojë edhe një herë se të gjitha fetë predikojnë paqe dhe lumturi, shkruan gazeta Konica, përcjell Albinfo.ch.

‘Kjo ditë, ashtu si në ditët e tjera të festave, njerëzit mblidhen, urojnë dhe festojnë me njëri-tjetrin, kjo ditë duhet të jetë një ditë reflektimi për ne.

Një ditë kur ne të mendojmë se Zoti nuk kujtohet vetëm në ditët e festave apo kur kemi halle, por Zoti do të jetë në jetën tonë, feja duhet të jetë në jetën tonë në të gjitha ditët’, tha ndër të tjera Cikalleshi për mediat.