Reziston ekonomia ukrainase pavarësisht luftës

Pavarësisht sulmeve të vazhdueshme të Rusisë ndaj Ukrainës, me raketa dhe dronë, ekonomia e vendit të përfshirë nga lufta po tregon qëndrueshmëri të fortë.

Zyrtarë të Fondit Monetar Ndërkombëtar kanë nënshkruar një hua fillestare prej 900 milionë dollarësh dhe ngritur vlerësimin për rritjen ekonomike të vendit.

“Në kuadër të rishikimit, ne kemi ngritur projeksionin për rritjen e GDP-së në 2023-shin me një rreze nga 1 deri në 3 për qind plus. Inflacioni po ul shpejtësinë dhe normat e këmbimit kanë qenë të qëndrueshme në muajt e fundit. Sidoqoftë, parashikimi mbetet i pasigurt pasi lufta vazhdon”, -tha Gavin Gray, shef i misionit të FMN-së për Ukrainën.

Në Moskë, presidenti Vladimir Putin ka akuzuar Ukrainën për aktivitete terroriste dhe se po përpiqet të frikësojë qytetarët rusë, duke sulmuar me dronë. Nga ana e tij, Kievi zyrtar mohon përfshirjen.

“Sikurse e dini, regjimi në Kiev ka zgjedhur një rrugë tjetër; atë të intimidimit të Rusisë dhe qytetarëve rusë duke sulmuar godinat e banuara. Kjo është shenjë e aktiviteteve të pastra terroriste”, -tha Vladimir Putin, president i Rusisë.

Ndërkohë, në zona të tjera vazhdojnë përpjekjet për riparimin e impianteve bërthamore ukrainase në qytetin veri-lindor të Kharkivit.

Instituti i Fizikës dhe Teknologjisë u godit nga raketat ruse vitin e kaluar, por asnjë rrjedhje radioaktive u raportua. Megjithatë, Agjencia e OKB-së për Energjinë Atomike ka paralajmëruar se situata në impiantin e Zaporizhias mbetet e brishtë dhe jashtëzakonisht e rrezikshme.

---