Kosova
Serbët edhe sot vijojnë protestat
Kurti: Do punojmë me SHBA-në për shtensionim të situatës
Mediat raportojnë se serbët në veri të Kosovës vijojnë edhe sot (2 qershor) protestat e tyre për të mos pranuar kryetarët e rinj në ndërtesat komunale në Zveçan, Zubin Potok dhe Leposaviç, përcjell albinfo.ch.
Situata në veri të Kosovës aktualisht është e qetë, ndërsa ndërkombëtarët kanë rritur presioni mes palëve që të ulin tensionet dhe të plotësojnë 3 kushtet e vendosura nga BE-ja gjatë takimit në Moldavi.
Për situatën në veri, kryeministri i Kosovës, Albin Kurti, ka zhvilluar një bisedë telefonike me Zëvendës Këshilltarin e Sigurisë Kombëtare të Shteteve të Bashkuara, Jon Finer.
Kurti është zotuar për bashkëpunim me SHBA-në për të shtensionuar tensionet në vend.
“E falënderoj për thirrjen e tij dhe u zotova për të punuar me SHBA-në për të shtensionuar tensionet. Kjo kërkon një fund të menjëhershëm të dhunës nga turmat e sponsorizuara nga Beogradi kundër oficerëve të sigurimit deri në zgjedhjet e reja në ato komuna”, ka shkruar Kurti në Twitter.
Në takimin në Moldavi mes presidentes Vjosa Osmani, presidentit serb, Aleksandar Vuçi, presidentit francez, Emanuel Macron dhe kancelarit gjerman, Olaf Scholz, u kërkua mbajtja e zgjedhjeve të reja në veri, sigurimi i pjesëmarrjes së serbëve të Kosovës dhe fillimin e punës për themelimin e Asociacionit të Komunave me Shumicë Serbe, në kuadër të Dialogut të lehtësuar nga BE-ja.
Situata në veri të Kosovës u tensionua më 29 maj, Zveçan, Zubin Potok dhe Leposaviç, kur Policia e Kosovës ndihmoi kryetarët shqiptarë të komunave me shumicë serbe, të hyjnë në zyrat komunale. Kjo u pasua me protesta të dhunshme ku për pasojë 30 ushtarë të KFOR-it mbetën të plagosur në Zveçan.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
300 zviceranë të bllokuar në Kaledoninë e Re pas shpërthimit të trazirave Pavarësisht shpalljes së gjendjes së jashtëzakonshme dhe shtetrrethimit gjatë natës, situata nuk është qetësuar dhe mijëra...
-
Shtim i rasteve të sulmeve ndaj infermierëve në Zvicër
-
Bllokime të reja trafiku përpara tunelit Gotthard
-
Zvicra vendosi të ndajë të dhënat e pasagjerëve të fluturimit me policinë
-
4% e shoferëve në Zvicër drejtojnë makinën nën ndikimin e alkoolit