Shpenzimet roaming hiqen në BE më 2017

Presidenca e BE-së njoftoi për një marrëveshje për t’u dhënë fund shpenzimeve me roaming të shkaktuara me telefoninë mobile. Një goditje për operatorët e telefonisë.

Bashkimi Evropian ka arritur një marrëveshje paraprake të martën për eliminimin e shpenzimeve telefonike të roamingut, e cila do të hyjë në fuqi në qershor 2017, në të gjitha 28 shtetet anëtare.

Romingu është një mundësi për një abonues të telefonit mobil që të thërrasë apo ta thërrasin nëpërmjet rrjetit të një operatori tjetër mobil.

“Në bazë të kësaj marrëveshjeje, kostot shtesë të roamingut në BE do të tërhiqen më 15 qershor 2017”, njoftoi Presidenca e Letonisë në BE, në një deklaratë të lëshuar pas bisedimeve të gjata me eurodeputetët.

Teksti megjithatë siguron ruajtjen e mbingarkesës kur përdoret përtej kuadrit të udhëtimit të përcaktuar (“periodic travel “).

Neutraliteti  i Internetit
Këto kosto shtesë përfaqësojnë një shumë të rëndësishme për operatorët, por ato frenojnë krijimin e një tregu të vetëm të telekomit, theksojnë përfaqësuesit e Komisionit Evropian.