Shqiperia
Shqipëri: Ekonomia shqiptare pritet të rritet me 8 %, shkak remitancat
Referuar raportit të fundit nga Perspektiva Ekonomike Rajonale (REP), e publikuar këtë javë, BERZH rriti ndjeshëm projeksionet për rritjen ekonomike të Shqipërisë në 2021 nga 4.5 % në 8%, përcjell albinfo.ch.
Banka Europiane për Rindërtim dhe Zhvillim (BERZH) vlerëson se rritja ekonomike në Shqipëri gjatë vitit 2021 do të jetë nga nga 4.5 nw 8 %.
Pas Fondit Monetar Ndërkombëtar, Bankës Botërore, Institutit të Vjenës (WIIW), është BERZH ai që raporton për rritje me ritme më të shpejta të ekonomisë shqiptare sesa parashikimet e fillimvitit. Në raportin e saj të fundit të Perspektivave Ekonomike Rajonale (REP), të publikuar këtë javë, BERZH rriti ndjeshëm projeksionet për rritjen ekonomike të Shqipërisë në 2021 nga 4.5 % në 8%. Nga krahu tjetër BERZH ka rishikuar dhe rritjen e vitit 2022, e cila nga parashikimi fillestar prej 4% është ulur në 3.7%, shkruan ata.
“Ekonomia pritet të rritet me 8 % në 2021 dhe me 3.7 % në 2022”, parashikon BERZH.
Sipas raportit të BERZH-it, Shqipëria ka shënuar rritje ekonomike pozitive për tre tremujorë radhazi, e nxitur nga zgjerimi i kërkesës së brendshme dhe asaj të jashtme. Ky rishikim i rëndësishëm në rritje sipas BERZH-it, reflekton një prodhim më të mirë se sa pritej në gjysmën e parë të vitit dhe tregues të rritjes së vazhdueshme në tremujorin e tretë. BERZH në raportin e saj thekson se konsumi në Shqipëri është rritur për shkak të remitancave, parave që dërgohen nga diaspora, ndërsa shprehet se rritja e çmimeve në vend, që ndikojnë në inflacion vazhdojnë të mbeten nën objektivin e Bankës Qëndrore. Gjithashtu Rindërtimi dhe emetimi i eurobondit në fund të vitit pritet t’i japin një shtysë të re ekonomisë së vendit.
“Prodhimi industrial dhe eksportet në rritje në Bashkimin Evropian (BE) po mbështesin rritjen në Bosnje dhe Hercegovinë, Maqedoninë e Veriut dhe Serbi, ndërsa Shqipëria, Kosova dhe Mali i Zi po përfitojnë nga një rikthim i fortë në sektorin e mikpritjes gjatë muajve të verës. Rimëkëmbja është nxitur edhe nga zgjerimi i konsumit të familjeve, i mundësuar nga rritja e remitancave, rritja e pagave nominale dhe rritja e kredisë në shumicën e ekonomive të rajonit”, thuhet në raport.
Sa i përket Shqipërisë, në raport theksohet se turizmi u ringjall fuqishëm në sezonin e verës së këtij viti me numrin e turistëve të huaj pothuajse të barabartë me shifrat para pandemisë në periudhën qershor-gusht. Në rajon Shqipëria projektohet të jetë ekonomia e dytë në Ballkanin Perëndimor me rritjen më të madhe, pas Malit të Zi, ku rritja projektohet mbi 12%. Sa i përket Kosovës, parashikimet flasin për një normë rritje pranë 7.7% këtë vit, dhe 4.5% vitin e ardhshëm.
INSTAT ka raportuar se dy sektorët që dhanë kontributin më të madh në rritje në tremujorin e dytë kanë qenë pikërisht Ndërtimi dhe Industria nxjerrëse dhe Përpunuese. Edhe pse me rritje të lartë ekonomike, Shqipëria ka rritur ndjeshëm borxhin e saj publik, me nivelin që ka arritur pranë 78% sipas Ministrisë së Financave. Ekspertët paralajmërojnë gjithashtu se rritja e çmimeve të produkteve dhe kriza energjitike mund të ndikojë në rritjen mbi objektiv të inflacionit, gjë e cila do të ngadalësonte rimëkëmbjen ekonomike.
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Zvicër
-
Buxheti i mbrojtjes i propozuar prej 15 miliardë frangash, pritet të dështojë Një rritje e propozuar prej 15 miliardë frangash për buxhetin e mbrojtjes nuk ka gjasa të...
-
Shtatë gjëra që shtetasit jo-BE duhet t’i dinë rreth zhvendosjes në Zvicër
-
Cyrihu, qyteti i tretë më pak tërheqës evropian, për të ardhurat nga qiraja e pronave
-
Zvicër: Lajmet kryesore të ditës së hënë
-
Çiklizmi në tren: Rezervimi i vendit nuk e zgjidh mungesën e hapësirës