Bota
Shteti danez pranon përgjegjësinë për rastet e abuzimit të fëmijëve
Nga viti 1945 deri në 1976 fëmijët u abuzuan seksualisht
Kryeministrja daneze, Mette Frederiksen, u ka kërkuar zyrtarisht falje qindra viktimave të abuzimit seksual, në shtëpitë e administruara nga shteti.
Nga viti 1945 deri në 1976 fëmijët u abuzuan seksualisht, u rrahën dhe u droguan, u zbulua përmes një hetimi zyrtar, përcjellë albinfo.ch
Abuzimi ndodhi në të gjithë Danimarkën. Përmes fushatave të ndryshme i është bërë thirrje për vite me radhë shtetit për të pranuar fajin.
“Falje do të thotë gjithçka. Gjithë çfarë donim ishte paqja e mendjes”, tha njëri prej viktimave, Arne Roel Jorgensen.
Gjashtëdhjetë e tetë vjeçari i tha BBC-së se si jeta e shumë fëmijëve ishte shkatërruar nga abuzimi.
Kryeministrja u takua me dhjetëra viktima në rezidencën e saj zyrtare në Marienborg.
“Do të doja të shikoja secilin prej jush në sy dhe të them më vjen keq”, u tha ajo atyre.
“Unë nuk mund ta marr fajin, por unë mund të marr përgjegjësinë”, shtoi ajo.
Shumë nga të pranishmit ishin me lot, ndërsa ajo tha se fëmijët ishin marrë nga prindërit e tyre, dhe në vend që të merrnin mbështetje dhe ngrohtësi, ata morën poshtërime dhe abuzime.
Shumë nga viktimat kanë thënë se nuk kërkojnë dëmshpërblim, por zonja Rasmussen thotë se mund ta kuptojë këdo që e dëshiron atë.
Bjorn Elmquist beson se duhet të ngrihet një komision dhe një fond për të vlerësuar kompensimin, pasi ai e konsideron abuzimin një shkelje të qartë të konventës së torturave që u përfshi në ligjin danez më 1984.
“Nuk është thjesht një çështje që vetëm duhet shprehur keqardhje”, thotë ai.
E-Diaspora
-
Bëhet publike agjenda e Forumit shqiptaro-zviceran në Gjenevë Më 19 prill do të flasin figura më të njohura të ndërmarrsëve shqiptarë te ndërtimit, financave...
-
Nga 1 maji, filmi kosovar-zviceran “The Land within”, në kinematë e Zvicrës
-
Rixhil Agushi, shqiptare nga RMV, zgjidhet kryetare e Parlamentit të qytetit Schlieren
-
Xhaka do të mbetet te Leverkuseni
-
Gjykata Federale “dëbon” kosovarin, edhe pse ka jetuar 28 vjet në Zvicër
Jeta në Zvicër
-
Në cilën prej komunave zvicerane jetohet më mirë? Çiftet me të ardhura të larta pa fëmijë mund të kursejnë 40,000 franga duke kaluar nga...
-
Parlamenti dëshiron të ndalojë simbolet ekstremiste në publik
-
Fedpol: Mafia është e konsoliduar në Zvicër
-
Rritet numri i rasteve me zgjebe në Zvicër
-
Gjeneva nxjerr në ankand targa unike