Bota
Si të jeni më produktiv në punë
Do të dëshironit që të mund të përfundoni javën e punës në gjysmën e kohës?
Kjo nuk mund të bëhet me magji, sigurisht, por ka disa ndryshime të vogla që mund të bëni, të cilat do t’ju ndihmojnë të kryeni detyrat në kohë rekord, sipas ekspertëve të produktivitetit.
Fraza “ekuilibër punë-jetë” është bërë klishe për një arsye: njerëzit janë më të mbingarkuar dhe burnout se kurrë më parë.
Një studim i Deloitte, zbuloi se 77% e punonjësve në SHBA ndihen plotësisht të tejlodhur nga puna e tyre dhe kjo ka disa pasoja tronditëse, shkruan shqip.al, transmeton albinfo.ch.
Organizata Botërore e Shëndetësisë paralajmëroi në vitin 2021 se stresi i shkaktuar nga gjithë kjo punë e tepërt ka rezultuar në një rritje të madhe të sëmundjeve të zemrës dhe goditje në tru (ishemi), që nga viti 2000.
Në vazhdim, renditen tetë këshilla shumë të thjeshta, të cilat mund të reduktojnë në mënyrë drastike, kohën që duhet për të kryer punën, në mënyrë që të përqendroheni më shumë, në atë që vërtet ka rëndësi.
- Dëgjoni muzikë
Studimet tregojnë se të dëgjuarit muzikë ndërsa punoni, mund të jetë jashtëzakonisht e dobishme në rritjen e përqendrimit, veçanërisht nëse është muzikë instrumentale.
- Përgatiteni veten për një ditë pune produktive
Përgatitja afatshkurtër, çon në sukses afatgjatë. Përgatiteni mendjen tuaj, për çfarëdo detyre që keni në dorë, duke filluar me gjumë të mjaftueshëm, për t’u siguruar që të jeni plot energji ditën tjetër.
- Programoni seanca të thella pune 90 minuta – 2 orë
Në thelb, ndajeni ditën tuaj në blloqe ose copa (chunks), ndonjëherë të njohura si time-blocking (ndarja e kohës në blloqe). “Duhen 20-30 minuta për t’u përfshirë në rrjedhën e punës, ndërsa përqendrimi fillon të zbehet pas 90-120 minutash.
- Ndani detyrat sipas llojit
Grupi i detyrave analitike, si organizimi, kërkimi dhe planifikimi, duhen kryer së bashku. Mbajini ato të ndara, nga detyrat krijuese, si ‘stuhia e ideve’ (brainstorming), shkrimi ose dizajnimi. Kjo njihet si “grumbullim detyrash” (task batching).
- Largoni shpërqendrimet
Ekspertët sugjerojnë, përdorimin e mjeteve, si kufjet për anulimin e zhurmës, si dhe instalimin e programeve, që bllokojnë aplikacionet ose faqet e internetit, që ju largojnë vëmendjen nga puna, në mënyrë që të mund të përqendroheni në detyrat tuaja.
- Vendosni një objektiv për çdo ‘bllok’ pune
Për çdo bllok 90-120 minuta, rekomandohet ndarja e tij, në tre detyra, dhe kryerjen e tyre një nga një, pa devijuar.
- Reflektoni për çdo ditë dhe çdo bllok pune
Vetëm për shkak se këto janë ide të shkëlqyera, nuk do të thotë se ato do të jenë menjëherë të suksesshme! Kështu shumë njerëz rekomandojnë, vlerësimin e çdo këshille, për të gjetur mundësi zbatimi si dhe pështatje me ritmin e punës së gjithsecilit.
- Shpërblejeni veten
Kjo është ndoshta më e lehta nga të gjitha! Por, shumë punonjës, këshillojnë shpërblime pas çdo seance pune – pak Netflix, disa minuta lojë, një shëtitje të shpejtë, çfarëdo që shërben për ju.
E-Diaspora
-
Kryediplomati shqiptar, Igli Hasani, takon homologun e tij nga Zvicra, Ignazio Cassis Takim i shkëlqyer me homologun zviceran, Ignazio Cassis, e ka cilësuar ministri i Jashtëm i Shqipërisë,...
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
Jeta në Zvicër
-
300 zviceranë të bllokuar në Kaledoninë e Re pas shpërthimit të trazirave Pavarësisht shpalljes së gjendjes së jashtëzakonshme dhe shtetrrethimit gjatë natës, situata nuk është qetësuar dhe mijëra...
-
Shtim i rasteve të sulmeve ndaj infermierëve në Zvicër
-
Bllokime të reja trafiku përpara tunelit Gotthard
-
Zvicra vendosi të ndajë të dhënat e pasagjerëve të fluturimit me policinë
-
4% e shoferëve në Zvicër drejtojnë makinën nën ndikimin e alkoolit