Muzikë
Spanjë: Artistet shqiptare fitojnë çmime në LOS40 Music Awards
Ava Max dhe Rita Ora, kanë arritur të dalin triumfuese në kategoritë në të cilat ishin nominuar në LOS40 Music Awards 2019.
Në Madrid të Spanjës është mbajtur mbrëmja e madhe vjetore e ndarjes së çmimeve, LOS40 Music Awards 2019.
Duket se evenimenti, i cili mirëpriti yje nga e gjitha bota, solli performanca spektakulare për teleshikuesit, e ndërsa dhuroi edhe shumë çmime përgjatë mbrëmjes.
LOS40 Music Awards 2019 këtë vit kishte nominuar dy artiste shqiptare, Rita Ora dhe Ava Max, të cilat të dyja kanë arritur të dalin triumfuese në kategoritë në të cilat ishin nominuar.
Ava Max, emri i vërtetë i së cilës është Amanda Ava Koçi, ka fituar çmimin “Kënga më e mirë ndërkombëtare”, për këngën e saj shumë të suksesshme “Sweet but Psycho”.
Këngëtarja me prejardhje nga Shqipëria ka lënë prapa konkurrentë të fuqishëm si këngët: “Senorita” nga Camila Cabello dhe Shawn Mendes, “High Hopes” nga Panic! at the Disco, “Sucker” nga Jonas Brothers dhe “I don’t care” nga Ed Sheeran dhe Justin Bieber.
Nga ana tjetër, këngëtarja nga Kosova, Rita Ora, ishte gjithashtu e nominuar për dy nga çmimet e kësaj mbrëmje.
Ajo triumfoi në kategorinë “Videoja më e mirë muzikore e vitit”, për këngën “RIP” në bashkëpunim me Sofia Reyes dhe Anitta.
Tri vajzat lanë prapa klipet “Nothing Breaks Like a Heart” nga Mark Ronson dhe Miley Cyrus, “Bad Guy” nga Billie Eilish, “Sucker” nga Jonas Brothers” dhe “Don’t call me up” nga Mabel.
Gjithashtu, kujtojmë që po në të njëjtin festival vitin e kaluar, LOS40 Music Awards 2019, artistja tjetër e famshme shqiptare, Dua Lipa kishte fituar tri çmime: “Artisti më i mirë internacional”, “Albumi më i mirë internacional”, dhe “Kënga më e mirë internacionale”, përcjell albinfo.ch.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?